आरमोरीच्या तरुणाने रक्तदानाने साजरा केला वडिलांचा वाढदिवस..!

आरमोरी(गडचिरोली):-आई-वडील आपल्या मुलांसाठी जीवाचे रान करून लहाण्यांचे मोठे करतात.मुले कितीही मोठी झालीत,तरीही ती आई-वडिलांसाठी लहानच असतात.हल्ली नवे युग सुरू आहे.नव्या युगात तरुण-तरुणींचे वाढदिवस मोठ्या प्रमाणावर सर्वत्र साजरे करण्यात येतात.यात पार्ट्या, डीजे,नाचगाणी व इतर कार्यक्रम घेत आनंदी-आनंद मनवले जाते.काही आई-वडिल स्वतः आपले वाढदिवस साजरे न करता मुलांचे वाढदिवस साजरे करीत असतात.अशातच आरमोरीच्या तरुणाने वडिलांच्या वाढदिवस दिनी वडिलांना सन्मान देण्यासाठी आज,गुरुवार ३ एप्रिल रोजी आपल्या वडिलांचा वाढदिवस अनोख्या पद्धतीने साजरा केल्याने याची चर्चा सर्वत्र सुरू आहे.आरमोरी शहरात वास्तव्यास असणाऱ्या सारंग नरेंद्र जांभुळे या तरुणाने आज गुरुवारी सर्वप्रथम वडिल नरेंद्र जांभुळे यांना वाढदिवसाच्या शुभेच्छा तर दिल्या.त्यातच वडिलांना सन्मान देण्यासाठी त्याने आपले पहिले रक्तदान केले. विशेष म्हणजे,एका छोट्या मुलीला रक्ताची गरज भासली.त्यामुळे सारंगने वडीलांसमवेत रुग्णालय गाठून रक्तदान केले.तरुणाच्या या कृतीने समाजाला एक प्रेरणादायी संदेश मिळाला आहे.

“माझ्या वडिलांनी मला नेहमीच इतरांना मदत करण्याची शिकवण दिली.त्यांच्या वाढदिवसाला मी रक्तदान करून त्यांचा सन्मान करायचे ठरवले.माझे रक्त एका लहान मुलीला उपयोगी पडले,हे पाहून मला खूप समाधान वाटले,”

रक्तदान हे एक असे दान आहे,जे थेट एखाद्याचे प्राण वाचवू शकते.डॉक्टरांच्या मते,एका व्यक्तीच्या रक्तदानाने तीन जणांचे जीव वाचवले जाऊ शकते. अनेकांना रक्तदानाबद्दल भीती किंवा गैरसमज असतो.मात्र,’रक्तदान हेच खरे श्रेष्ठ दान’ आहे.