सात दिवसांपूर्वी पत्नीवर हल्ला चढविणाऱ्या इसमाची गळफास घेऊन आत्महत्या.. – आरमोरी तालुक्यातील घटना..

आरमोरी(गडचिरोली):-सात दिवसांपूर्वी पत्नीवर हल्ला चढविणाऱ्या आरमोरी तालुक्याच्या कोजबी येथील ५५ वर्षीय इसमाने स्वतःच्या राहत्या घरी गळफास घेऊन आत्महत्या केल्याची घटना काल, बुधवारच्या रात्री घडली असून आज,गुरुवार ६ मार्चला सकाळच्या सुमारास उघडकीस आली.ताराचंद येडमे वय ५५ वर्षे,रा.कोजबी,ता.आरमोरी,जि.गडचिरोली असे आत्महत्या केलेल्या इसमाचे नाव आहे.

मिळालेल्या माहितीनुसार,ताराचंद येडमे याने सात दिवसांपूर्वी म्हणजेच २७ फेब्रुवारी २०२५ रोजी रात्रीच्या सुमारास पत्नी सोबत झालेल्या कडाक्याच्या भांडणात रागाच्या भरात पत्नीवर लाकूड तासनी अवजाराने (वासला) वार करून गंभीर जखमी केले व स्वतःलाही चाकू भोसकून गंभीररीत्या जखमी केले होते.त्यामुळे पती-पत्नीवर गडचिरोली जिल्हा सामान्य रुग्णालयात उपचार सुरू होते.ताराचंद यांच्या प्रकृतीत सुधारणा झाल्याने रुग्णालयातून सुट्टी देण्यात आली. त्यामुळे ताराचंद हा कोजबी येथील आपल्या राहत्या घरी नुकताच आला होता.ताराचंद यांच्या घरातील

नेहमी दार व खिडक्या सुरू असणाऱ्या आज गुरुवारी सकाळच्या सुमारास बंद दिसल्याने शेजाऱ्यांना संशय आला.त्यामुळे शेजाऱ्यांनी खिडकीतून डोकावून बघितले असता ताराचंद येडमे हा घराच्या आळ्याला नायलॉन दोरीने गळफास घेतलेल्या अवस्थेत दिसून आला.घटनेची माहिती तात्काळ गावच्या सरपंचा कविता ताडाम सह पोलीस पाटिल माधुरी सहारे यांना देण्यात आली.पोलीस पाटील यांनी क्षणाचाही विलंब न लावता आरमोरी पोलीस ठाण्यास कळविले. त्यानुसार आरमोरी पोलीस प्रशासन घटनास्थळी दाखल होत मृताचा पंचनामा करून शव शवविच्छेदनाकरिता ग्रामीण रुग्णालय आरमोरी येथे

 पाठविण्यात आला.घटनेचा पुढील तपास आरमोरी पोलीस प्रशासन करीत आहे.

ताराचंद याने सात दिवसांपूर्वी पत्नीवर हल्ला चढवून गंभीररीत्या जखमी केले होते.त्यामुळे त्याने याच नैराश्यातून आत्महत्या केली असावी,असा अंदाज वर्तविण्यात येत आहे.