नागपूर विभागीय पारंपारिक क्रीडा कुंभ स्पर्धा संपन्न.. – स्पर्धेत देसाईगंज,गडचिरोली शासकीय औद्योगिक प्रशिक्षण संस्थेचे यश..

नागपूर :-नुकतेच नागपूरच्या शासकीय औद्योगिक प्रशिक्षण संस्थेत नागपूर विभागीय पारंपारिक क्रीडा कुंभ स्पर्धा पार पडल्या.सदर क्रीडा स्पर्धेस नागपूर विभागाच्या सहा जिल्ह्यातील स्पर्धकांनी सहभाग घेतला होता.घेण्यात आलेल्या स्पर्धेमध्ये लगोरी, रस्सीखेच,पंजा लढविणे,पावन खिंड दौड,फुगडी,दंड बैठक,लेझीम, इत्यादी विविध क्रीडा स्पर्धा घेण्यात आल्या.या पारंपारिक क्रीडा महाकुंभ स्पर्धेमध्ये गडचिरोली जिल्ह्याचे प्रतिनिधित्व करीत मुलांच्या लगोरी स्पर्धेत प्रथम क्रमांक तर लंगडी स्पर्धेत द्वितीय क्रमांक इंदुताई नाकाडे शासकीय औद्योगिक प्रशिक्षण संस्था देसाईगंजने पटकावला आहे.तसेच क्रांतिवीर बाबुराव शेडमाके शासकीय औद्योगिक प्रशिक्षण संस्था गडचिरोली यांनी सुद्धा विटी दांडू खेळामध्ये विभागात प्रथम क्रमांक पटकाविला असल्याने गडचिरोली जिल्ह्यास दोन्ही औद्योगिक प्रशिक्षण संस्थेंनी नागपूर विभागीय पारंपारिक क्रीडा कुंभ स्पर्धेत बहुमान मिळवून दिला आहे.बहुमान मिळवून दिल्याबद्दल संस्थेचे प्राचार्य तथा जिल्हा व्यवसाय शिक्षण व प्रशिक्षण अधिकारी सुरेश एस.चौधरी यांनी दोन्ही संस्थेतील यशस्वी स्पर्धकांचे कौतुक केले.स्पर्धकांनी यशाचे श्रेय स्पर्धक प्रशिक्षणार्थी,क्रीडा समन्वयक निर्देशक,मार्गदर्शक, गटनिर्देशक यांना दिले आहे.