मध्यरात्री धाडसी चोरी; अज्ञात चोरटे सीसीटीव्ही कॅमेऱ्यात कैद..

भंडारा :-तीन वेगवेगळ्या ठिकाणी मध्यरात्री

अज्ञात चोरट्यांनी चोरी करून ८० हजारांची रोख रक्कम पळविल्याची घटना भंडारा जिल्ह्याच्या लाखनी शहरात उघडकीस आल्याने परिसरात एकच खळबळ माजली.लाखनी शहरातील राष्ट्रीय महामार्गालगत तहसील कार्यालयासमोर असलेल्या जयहिंद किराणा मॉल,सम्राट बार,स्टेट बैंक ऑफ इंडियाच्या बाजूला असलेल्या ग्राहक सेवा केंद्र अशा तीन ठिकाणी चोरट्यांनी काल ७ फेब्रुवारीच्या मध्यरात्री धाडसी चोरी केली.काल शुक्रवारी रात्री दीड ते २ वाजताच्या सुमारास अज्ञात चोरटे हे जयहिंद किराणा दुकानाजवळ आले.त्यांनी शटरचे कुलूप तोडून आत प्रवेश केला. दुकानात ठेवलेले चिल्लरचे २० हजार रुपयांचे तीन बंद पिशव्यातील ६० हजार रुपये चोरले.स्टेट बँकेच्या बाजूला असलेल्या ग्राहक सेवा केंद्रातून २० हजार रुपयांची रोख रक्कम पळविली.सकाळी ही घटना उघडकीस येताच जयहिंद किराणा मॉल समोर एकच गर्दी जमली होती. अज्ञात चोरटे सीसीटीव्ही कॅमेऱ्यात कैद झाले असून लाखनीचे ठाणेदार हृदयनारायण यादव यांच्या मार्गदर्शनात लाखनी पोलिस अज्ञात चोरट्यांचा कसून शोध घेत आहेत.