मध्यरात्री थरार; जनावरांना सोडले अन् मानवाला पकडले.. – वाघाच्या हल्ल्यात इसम ठार..

चंद्रपूर :-जिल्ह्याच्या मूल तालुक्यातील फिस्कूटी गाव नजीक परिसरात वाघाच्या हल्ल्यात मेंढपाळ ठार झाल्याची घटना शुक्रवारच्या मध्यरात्री उघडीस आली. वासुदेव गणपत कंकलवार वय ३६ वर्षे, रा.जुनासूर्ला, ता.मूल,जि.चंद्रपूर असे मृताचे नाव असून वर्षभरातील वन्यप्राण्याच्या हल्ल्यातील आठवा बळी ठरला आहे. वडिलोपार्जित मेंढ्या पालनाचा व्यवसाय करीत असलेले कंकलवार नेहमी जनावरे चराईसाठी न्यायचे.शुक्रवारी जनावरे चराईसाठी नेल्यावर रात्रीच्या सुमारास रामदास जंगठे यांच्या शेतात महाकाली मंदिरजवळ मेंढ्याची लाग बसवून झोपले होते.यावेळी भाऊ मारोती कंकलवार व त्यांची पत्नी वनिता कंकलवार देखील उपस्थित होत्या. मध्यरात्री दीड वाजताच्या सुमारास अचानक जनावरांचा आवाज आल्याने वासुदेव जागे झाले,ते बघण्यासाठी जनावरांकडे गेले असता बाजूलाच दबा धरून बसलेल्या वाघाने झडप घालत त्यांच्यावर हल्ला चढविला.भाऊ जागा झाल्याने त्यांनी आरडाओरडा केला.याबाबतची माहिती त्यांच्या भावाने नातेवाईकांना दिली. नातेवाईकांनी घटनास्थळ गाठून वनविभाग आणि पोलिस ठाण्यात माहिती दिली.त्यानंतर,पोलिस ठाण्याचे पथक आणि वनविभागाचे कर्मचाऱ्यांनी घटनास्थळ गाठून वासुदेवचा शोध घेतला असता त्याचे मृतदेह जवळच मिळून आले.दरम्यान,मूल पोलिस ठाण्याचे ठाणेदार विजय राठोड यांनी पोलिस पथकासह भेट देऊन पंचनामा केला.यावेळी वनविभागाचे विभागीय वनाधिकारी योगेश वाघाये,सहाय्यक वनसंरक्षक आदेशकुमार शेळके,पोंभुर्णाचे वनपरिक्षेत्राधिकारी अनंता राखुंडे,क्षेत्र सहाय्यक बी.एम दुपारे,वनरक्षक प्रिया लांडगे,वनरक्षक सोनेकर यांची उपस्थिती होती. वनविभागाने पंचनामा करून कंकलवार यांच्या कुटुंबीयांना ५० हजार रुपयाची तात्काळ मदत दिली.