आज देसाईगंज येथे गॅस दरवाढीसह टंचाईविरोधात काँग्रेसचे आंदोलन..

देसाईगंज(गडचिरोली):-घरगुती गॅस सिलेंडरच्या दरात सातत्याने होणारी वाढ तसेच अनेक ठिकाणी निर्माण झालेल्या सिलेंडर टंचाईच्या निषेधार्थ आज,शनिवार १४ मार्च रोजी देसाईगंज येथे काँग्रेस पक्षाच्या वतीने निदर्शने करण्यात येणार आहेत.सदरचे आंदोलन हे आर मोरी विधानसभा क्षेत्राचे आमदार रामदास मसराम यांच्या नेतृत्वात दुपारी ३ वाजता फवारा चौक येथे होणार आहे.

गॅस दरवाढीमुळे सर्वसामान्य नागरिक,गृहिणी तथा गरीब कुटुंबांवर मोठा आर्थिक ताण पडत आहे.अश्यातच गॅस सिलेंडरचा पुरवठा वेळेवर होत नसल्याने नागरिकांना मोठ्या अडचणींचा सामना करावा लागत आहे.या पार्श्वभूमीवर काँग्रेस पक्षाच्या वतीने सरकारच्या धोरणांचा निषेध करण्यासाठी हे आंदोलन आयोजित करण्यात आले आहे.

या आंदोलनात काँग्रेसचे पदाधिकारी,कार्यकर्ते तसेच नागरिक मोठ्या संख्येने सहभागी होणार असून गॅस दरवाढ तात्काळ कमी करावी व गॅस सिलेंडरचा नियमित पुरवठा सुरू करावा,अशी मागणी करण्यात येणार आहे.