देसाईगंज नगरीत जादूटोणा विरोधी कायदा व अंधश्रध्दा निर्मुलनाबाबत समाजप्रबोधन कार्यक्रम संपन्न..

देसाईगंज(गडचिरोली):-जादूटोणा विरोधी कायदा व अंधश्रद्धा निर्मूलनाबाबत समाजामध्ये जनजागृती व प्रबोधन व्हावे,या उद्देशाने प्रबोधनकार श्रीकृष्णा शालीकराम धोटे श्री संत गाडगेबाबा विचार प्रबोधन बहुउद्देशीय संस्था,गाडगेनगर अमरावती यांचे समाजप्रबोधनपर कार्यक्रम गुरुवार ९ जुलै २०२६ रोजी सायंकाळी ४ वाजता देसाईगंज नगर परिषद सांस्कृतीक सभागृहात पार पडला.विशेष म्हणजे,गडचिरोली जिल्ह्याच्या ७ जुलै रोजी गडचिरोली,८ जुलै रोजी आरमोरी व ९ जुलै रोजी देसाईगंज नगरीत विशेष प्रबोधन कार्यक्रमांचे आयोजन करण्यात आले होते.

देसाईगंज येथील कार्यक्रमाच्या अध्यक्षस्थानी देसाईगंज नगर परिषदेच्या नगराध्यक्षा लताताई सुंदरकर,तर प्रमुख अतिथी म्हणून देसाईगंज नगर परिषदेचे मुख्याधिकारी सतिश चौधरी,उपाध्यक्ष नरेश विठ्ठलानी,सभापती पाणीपूरवठा व जलनिसारण समिती सचिन खरकाटे, सभापती शिक्षण समिती बाळकृष्ण माडुरवार,सभापती नियोजन समिती पिंकू बावणे,नगरसेवीका राधीका पत्रे,मंदा समर्थ,पल्लवी मेंढे,पार्वता बेदरे,आशा दहिवले नगरसेवीका,भारती कुथे नगरसेवीका ईत्यादी मान्यवर प्रामुख्याने उपस्थित होते.

याप्रसंगी प्रबोधनकार श्रीकृष्णा धोटे यांनी जादुटोणा विरोधी कायद्यातील प्रमुख तरतुदी याबाबत सविस्तर मार्गदर्शन करुन समाजामध्ये असणारे भोंदूबाबा सर्वसामान्य जनतेस कशाप्रकारे फसवितात यांची माहिती विविध वैज्ञानिक प्रयोगाचे माध्यमातून समजावून सांगीतले.तसेच यापासुन सर्वसामान्य माणसाला कशाप्रकारे दुर ठेवता येईल याबाबत सविस्तर मार्गदर्शन केले.त्याचबरोबर,जादूटोणा व अंधश्रद्धा प्रतिबंधक कायद्याबाबत माहिती,अंधश्रद्धेचे दुष्परिणाम,वैज्ञानिक दृष्टिकोनाची गरज,समाजात विवेकवादी विचारांचा प्रसार तसेच नागरिकांची कायदेशीर जबाबदारी याविषयी मार्गदर्शन करण्यात आले.

कार्यक्रमाचे संचालन सहाय्यक प्रकल्प अधिकारी लवकुश उरकुडे,तर आभार प्रदर्शन वरिष्ठ लिपीक दिनकर खेत्रे यांनी केले.कार्यक्रमाच्या यशस्वीतेकरीता लेखापाल अविनाश राठोड,कर व प्रशासकिय अधिकारी प्रफुल हटवार,स्वप्नील हमाने,अभियंता सौरभ नंदनवार,प्रशांत चिचघरे,योगिता निंबार्ते, लिपीक रितेश येरणे,मुकेश सोनेकर,अनिता राजगूरु , नाजीमा पठाण,शहर समन्वयक प्रफुल दुपारे,समुदाय संघटक अरुण मोटघरे, जवाहर सोनेकर,व्यंकट चौधरी,घनश्याम कांबळे, सत्यवान कोडाप,रविंद्र सेंद्रे,राजू निंबेकर यांचेसह देसाईगंज नगर परिषदेच्या कर्मचारी वृंदांनी सहकार्य केले.