भंडाराच्या हर्षा भुरे उत्कृष्ट कवयित्री पुरस्काराने सन्मानित..

भंडारा :-नुकतेच काळीज माझं साहित्य छत्रपती संभाजीनगर समूहाचा तृतीय वर्धापन दिन सोहळा नाशिकच्या पार्क साईड नेस्ट सोसायटी परिसरात मोठ्या थाटात पार पडला.सोहळ्यास राज्यातील शंभरहून अधिक साहित्यिक तथा सामाजिक क्षेत्रात विशेष कार्य करणाऱ्या मान्यवरांनी उपस्थिती दर्शविली होती.तत्पूर्वी गुडीपाडवा समूहातर्फे ‘सण आला पाडव्याचा’ विषयावर कविता स्पर्धा आयोजित करण्यात आली होती.यात महाराष्ट्राच्या कानाकोपऱ्यातून एका पेक्षा एक दर्जेदार कवी, साहित्यिक स्पर्धेत सहभागी झाले होते.यामध्ये भंडारा येथील हर्षा भुरे यांनीही सहभाग घेतला होता. त्यानुसार त्यांच्या कवितेला उत्कृष्ट मानांकन देत रोख रक्कम व शाल देऊन सत्कार करण्यात आला.तसेच त्यांची मुख्य ओळख असलेले लाडूकाव्यला सन्मानचिन्ह देऊन सन्मानित करण्यात आले आहे.

सदर सोहळ्यास काळीज माझं साहित्य छत्रपती संभाजीनगर व काळीज प्रकाशन संस्थानचे अध्यक्ष सुरेखाताई बेंद्रे,संपादक,गीतकार,अभिनेता गुलाबराजा फुलमाळी,जेष्ठ साहित्यिक चंद्रकांत वानखडे यांच्या  हस्ते नाशिक येथे मान्यवरांचे सत्कार तथा बक्षीस वितरणाचा सोहळा उत्साहात पार पडला.हर्षा भुरे ह्या यापूर्वीही अनेक पुरस्काराने सन्मानित असून त्या नेदर्श प्रकाशन संस्था,साहित्य माझे जीवन, साहित्याचा गोडवा व लाडूकाव्यलेखन समूहाच्या संंस्थापिका आहेत.