बेपत्ता असलेल्या इसमाचा मृतदेह आढळला झाडाला लटकलेल्या अवस्थेत

भंडारा :-जिल्ह्याच्या तुमसर शहरातील गेल्या पंधरा दिवसांपासून बेपत्ता असलेल्या इसमाचा मृतदेह चक्क झाडाला लटकलेल्या अवस्थेत आढळून आल्याने परिसरात एकच खळबळ उडाली.राजकुमार लखीचंद नेवारे वय ३८ वर्षे,रा.तुमसर-शहर,ता.तुमसर,जि.भंडारा असे मृतक इसमाचे नाव आहे.मृतदेह बऱ्याच दिवसांपासून असल्याने तो कुजलेल्या अवस्थेत होता. त्यामुळे मृतकाची ओळख पटवणे कठीण होते.अश्यातच पोलिसांनी परिसरातील बेपत्ता व्यक्तींच्या नोंदीचा तपास घेतला.दरम्यान,राजकुमार नेवारे बऱ्याच दिवसांपासून बेपत्ता असल्याची नोंद सापडल्याने व ओळखीच्या पुरव्यानुसार सदरच्या  इसमाची ओळख पटली.विशेष म्हणजे,वनपरिसरात फिरणाऱ्या नागरिकांना तुमसर तालुक्याच्या नाका डोंगरी वनपरिक्षेत्रातील लोभी जंगल परिसरात एका झाडाला लटकलेला व कुजलेला मृतदेह काल सोमवारी दिसून आला.त्यानुसार,संबंधित यंत्रणांना माहिती देण्यात आली व मृतकाची ओळख पटली. घातपात की आत्महत्या?अद्याप गुलदस्त्यात आहे.