देसाईगंज शहरात भीषण अपघात; एकाचा जागीच मृत्यू तर एकजण किरकोळ जखमी..

देसाईगंज(गडचिरोली):-देसाईगंज शहरात भीषण अपघाताची घटना घडून झालेल्या अपघातात २७ वर्षीय तरुणाचा जागीच मृत्यू झाला,तर त्याचा सहकारी मित्र किरकोळ जखमी झाल्याची घटना आज,रविवार २८ डिसेंबरच्या रात्री ८ वाजेच्या सुमारास देसाईगंज शहराच्या मुख्य मार्गावरील हुतात्मा स्मारक जवळ घडली.प्रदीप उर्फ मोंटू हरबा मुंगीकोल्हे वय २७ वर्षे, रा.मेढेंबोडी(वैरागड),ता.आरमोरी,जि.गडचिरोली असे अपघातात मृत पावलेल्या तरुणाचे नाव आहे,तर त्याचा मित्र विजय देवगडे वय १८ वर्षे असे किरकोळ जखमी तरुणाचे नाव आहे.

मिळालेल्या माहितीनुसार,आरमोरी तालुक्याच्या

वैरागड जवळील मेढेंबोडी येथील प्रदीप व त्याचा मित्र विजय हे दोघेही दुचाकीने आज रविवारी रात्रीच्या सुमारास देसाईगंज तालुक्याच्या सावंगी येथे काही कामानिमित्त जात होते.अश्यातच देसाईगंज शहरात येताच शहराच्या मुख्य मार्गावरील हुतात्मा स्मारक जवळ विरुद्ध दिशेने येणाऱ्या चारचाकी वाहनाने त्यांच्या दुचाकीला जोरदार धडक दिली.धडक बसताच दुचाकीवरील प्रदीप खाली कोसळला आणि त्याच्या डोक्याला जबर मार लागल्याने डोक्यातून मोठ्या प्रमाणात रक्तस्त्राव झाला.यात तो जागीच गतप्राण झाला.दरम्यान सहकारी मित्र विजय याला किरकोळ जखम झाल्याने त्यास देसाईगंज ग्रामीण रुग्णालयात दाखल करण्यात आले.घटनेची माहिती देसाईगंज पोलीस प्रशासन कळताच घटनास्थळी दाखल होत पंचनामा करून मृतदेह शविच्छेदनासाठी देसाईगंज ग्रामीण रुग्णालयात पाठवला.घटना घडताच बघ्यांनी मोठी गर्दी केल्याने मुख्य मार्गावरील वाहतूक काहीकाळ विस्कळीत झाली होती.घटनेचा पुढील तपास देसाईगंज पोलीस प्रशासन करीत आहे.