देसाईगंज तालुक्यात विजेच्या गडगडाटासह वादळी वाऱ्यासह पाऊस.. – दोन दिवस अवकाळीची हजेरी..

देसाईगंज(गडचिरोली):-दोन दिवसांपासून दिवसा कडक उन्ह तर सायंकाळी ७ च्या सुमारास विजेच्या गडगडाटासह वादळी वाऱ्यासह पाऊस हजेरी लावत आहे.त्यामुळे उन्हाच्या काहीली पासून रात्रीच्या सुमारास नागरिकांना थोडाफार दिलासा मिळू लागला आहे.काल शनिवार व आज,रविवार २७ एप्रिलला सायंकाळच्या सुमारास देसाईगंज तालुक्याच्या कुरुड, कोंढाळा, देसाईगंज शहर व इतर काही भागात वादळी वारा, विजांच्या कडकडाटासह अवकाळी पावसाच्या दमदार सरी बरसल्या.त्यामुळे काल व आज वीजपुरवठा खंडित झाला.दुपारी उन्हाचा तडाखा बसला तर सायंकाळी तापमान घटले.देसाईगंज तालुका व्यतिरिक्त इतरही तालुक्यात विजेचा गडगडासह रिमझिम पाऊस बरसला.अशातच सायंकाळच्या सुमारास अवकाळी पाऊस व दिवसा कडक उन्ह तापू लागल्याने आरोग्य विषयक समस्या भेडसावू शकतात,त्यामुळे नागरिकांनी काळजी घेणे आवश्यक आहे.