गोसेखुर्द धरणाच्या पाणी पातळीत वाढ; तब्बल ९ गेट ०.५० मीटरने उघडली..

भंडारा :-जिल्ह्यास हवामान खात्याने वर्तविलेल्या अंदाजानुसार सर्वदूर पाऊस कोसळत आहे.परत हवामान खात्याने पुढील पाच दिवस पावसाचा इशारा देण्यात आला आहे.यापूर्वी हवामान खात्याने दिलेला अंदाज तंतोतंत खरा ठरत आहे.प्रशासनाने नदी काठावरील व सखल भागात पाणी शिरत असलेल्या घर परिसरातील नागरिकांना सतर्कतेची सूचना केली आहे. काल सोमवारी भंडारा शहरासह लाखनी,तुमसर,मोहाडी, साकोली,पवनी आणि लाखांदूर तालुक्यात पावसाच्या सरी बरसल्या.साकोली तालुक्यात बरसलेल्या मुसळधार पावसामुळे विशालकाय झाड विजेच्या विद्युत तारांवर कोसळले. यामुळे काहीकाळ विद्युत पुरवठा खंडीत झाला होता.अश्यातच धरण क्षेत्रात गत काही दिवसांपासून झालेल्या पावसामुळे भंडारा जिल्ह्यातील प्रमुख धरण असलेल्या गोसेखुर्द धरणाची ९ दारे पाणी पातळी समतल राखण्यासाठी उघडण्यात आली आहेत. ९ गेट ०.५० मीटरने उघडण्यात आली असून ११८७.१० क्युमेक्सने विसर्ग सुरू आहे.तर धापेवाडाचे ९ गेट ०.२ ने सुरू असून ८१४.७७ क्युमेक्सने विसर्ग सुरू आहे.सध्या स्थितीत संजय सरोवराचे पूर्ण गेट बंद असून विसर्ग नाही.