क्षुल्लकशा कारणावरू बेदम मारहाण; मुलाने घेतला आईचा जीव..!

चंद्रपूर :-एका क्षुल्लकशा कारणावरून पोटच्या मुलाने बेदम मारहाण करून आपल्या स्वतःच्या आईचा जीव घेतल्याची घटना चंद्रपूर जिल्ह्याच्या मूल तालुक्यातील डोंगरगाव येथे घडली.सदरची घटना काल गुरुवारच्या रात्री घडली असून आज,शुक्रवार २० फेब्रुवारीला सर्वत्र उघडकीस आल्याने परिसरात एकच खळबळ माजली. प्रकरणी मूल पोलिसांनी आरोपी मुलास अटक केली आहे.सुमित्राबाई दशरथ पेटकुले वय ६५ वर्षे, रा.डोंगरगाव,असे मृतक आईचे नाव आहे.तर जगदीश दशरथ पेटकुले वय ३६ वर्षे असे आरोपी मुलाचे नाव आहे.

गुरुवारच्या रात्री सुमित्राबाईने कारल्याची भाजी बनवली होती.कारल्याची भाजी कां बनवली म्हणून आई आणि मुलामध्ये वाद झाला.वाद होताच आरोपी मुलाने आपल्या आईला लाथा-बुक्क्यांनी बेदम मारहाण केली.मारहाणीत सुमित्राबाई यांना गंभीर दुखापत होऊन मृत्यू झाला. रात्रीची घटना असल्याने याची कानकून कुणालाही झाली नाही.मात्र,आज सकाळच्या सुमारास प्रकरणास वाचा फुटली आणि सदरची बातमी गावात वाऱ्यासारखी पसरली.लागलीच घटनेची माहिती मूल पोलीस प्रशासनास मिळताच एपीआय सुबोध वंजारी,पीएसआय वर्षा नैताम यांनी घटनास्थळी धाव घेत घटनेचा पंचनामा करून मृतदेह शवविच्छेदनासाठी मुल उपजिल्हा रुग्णालयात पाठविला.प्रकरणी आरोपी मुलाविरूध्द मूल पोलीस ठाण्यात खुनाचा गुन्हा दाखल करण्यात आला आहे.आरोपी जगदीश पेटकुले हा दारूच्या आहारी गेला होता.यामुळे दोन महिन्यांपूर्वी त्याची पत्नी मुलांना घेऊन माहेरी गेली होती.अश्यातच नराधमाने आपल्या वृद्ध आईचा जीव घेतला.