कोळशाच्या ट्रेलरची दुचाकीला मागून जोरदार धडक.. – पत्नीचा जागीच मृत्यू तर पतीच्या पायाचा चुराडा..

भंडारा :-कोळसा भरून जाणाऱ्या ट्रेलरने दुचाकीवरून उपचाराकरिता जात असलेल्या पती-पत्नी स्वार असलेल्या दुचाकी वाहनास मागेहून जोरदार धडक दिल्याने ३५ वर्षीय महिलेचा जागीच मृत्यू झाला तर पतीच्या पायावरून ट्रेलरचे चाक गेल्याने पायाचा चुराडा झाल्याची घटना आज,रविवार १ डिसेंबर च्या सकाळी १०:३० वाजताच्या सुमारास तुमसर शहाराजवळील माडगी गावातील चौकात घडली.वैशाली बामचंद रहांगडाले रा.सीतेपार ता.तिरोडा,जिल्हा-गोंदिया असे मृतक महिलेचे नाव असून पती बामचंद रहांगडाले वय ३७ वर्षे गंभीर जखमी झाले.