इंदूताई नाकाडे औद्योगिक प्रशिक्षण संस्थेत संविधान दिन उत्सवात साजरा..

देसाईगंज(गडचिरोली):-देसाईगंजच्या शासकीय इंदूताई नाकाडे औद्योगिक प्रशिक्षण संस्थेत संस्थेतील अधिकारी,कर्मचारी वृंद तसेच विविध मान्यवरांच्या उपस्थितीत संविधान दिन मोठ्या उत्साहात साजरा करण्यात आला.२६ नोव्हेंबर १९४९ रोजी भारतीय राज्य घटना स्वीकारण्यात आल्याने दरवर्षी २६ नोव्हेंबर हा “संविधान दिन” म्हणून सर्वत्र साजरा केला जातो. संविधानाने सर्वांना सामाजिक,आर्थिक व राजनैतिक न्याय,विचार,अभिव्यक्ती,विश्वास,श्रद्धा व उपासना यांचे स्वातंत्र्य; दर्जाची समानता व संधीची समानता प्राप्त करून दिली आहे.त्यामुळेच संपूर्ण देश संविधानाच्या भरवशावर चालत आहे.याच दिनाचे औचित्य साधून २६ नोव्हेंबरला शासकीय इंदूताई नाकाडे औद्योगिक प्रशिक्षण संस्थेत “हमारा संविधान -स्वाभिमान” या संकल्पनेवर आधारित राष्ट्रीय सेवा योजनेच्या(NSS) वतीने कार्यक्रमाचे अध्यक्ष एस.एस. चौधरी प्राचार्य तथा जिल्हा व्यवसाय शिक्षण प्रशिक्षण अधिकारी व उपस्थित प्रमुख अतिथिंच्या हस्ते भारतरत्न डॉ.बाबासाहेब आंबेडकर यांच्या प्रतिमेला पुष्पहार अर्पण करून व संविधान या महान ग्रंथाला पुष्पहार अर्पण करून अभिवादन करण्यात आले. प्रसंगी व्यासपीठावर उपस्थित मान्यवरांचे वृक्ष भेट देऊन स्वागत करण्यात आले.प्रमुख अतिथी म्हणून अमित मोराडे जिल्हा समन्वयक अनुलोम संस्था यांनी संविधान या विषयावर सखोल  मार्गदर्शन केले. संस्थेतील प्रशिक्षणार्थी यांचे भाषण व आर.सी.निखाडे यांनी भीमगीत सादर केले.चौधरी यांनी अध्यक्षीय भाषणात संविधानाचे महत्त्व पटवून दिले.संविधान प्रस्तावना वाचन,संविधान शपथवाचन करण्यात आले आणि राष्ट्रगीतांनी कार्यक्रमाचे समारोप झाले.कार्यक्रमाचे सूत्रसंचालन प्रतीक्षा सहारे एनएसएस स्वयंसेविका,प्रास्ताविक सी.एम गरमळे  व आभार प्रदर्शन व्ही.वाय.नागमोती सह समन्वयक यांनी केले. कार्यक्रमाच्या यशस्वीतेसाठी रासेयो स्वयंसेवक यांनी परिश्रम केले.कार्यक्रमाकरिता संस्थेतील सर्व शिक्षकवृंद,कर्मचारीवृंद आणि प्रशिक्षणार्थी उपस्थित होते.