आरमोरी तालुक्यात दहशत माजविणारा बिबट्या वाघ जेरबंद.. – दोन महिलांचा घेतला होता जीव..

आरमोरी(गडचिरोली):-गेल्या दोन महिन्यांपासून आरमोरी तालुक्याच्या देऊळगाव व इंजेवारी परिसरात दहशत माजविणाऱ्या बिबट्या वाघास पकडण्यात आज,गुरुवार ११ डिसेंबर रोजी वन विभागास यश आले असून परिसरातील नागरिकांनी सुटकेचा श्वास घेतला. बिबट्याने मागील महिन्याच्या १९ नोव्हेंबरला देऊळगाव येथील महिलेस ठार केले होते,तर नुकतेच मंगळवार २ डिसेंबरला दुपारच्या सुमारास आरमोरी तालुक्याच्या इंजेवारी येथील महिलेचा जीव घेतला होता.अवघ्या १४ दिवसाच्या अंतरावर दुसरी घटना घडल्याने परिसरातील नागरिकांनी तसेच विविध राजकीय पक्षांच्या नेत्यांनी याबाबत आंदोलन करून नरभक्षक वाघाचा तात्काळ बंदोबस्त करण्याची मागणी केली होती.त्यानुसार,वडसा वन विभागाच्या वतीने नरभक्षक बिबट्यावर पाळत ठेवून त्याला जेरबंद करण्यासाठी जंगल परिसर तसेच शेतशिवारात तब्बल २५ ट्रॅप कॅमेरे,५ सीसीटीव्ही लाईव्ह कॅमेरे व दोन अत्याधुनिक ड्रोन कॅमेरेऱ्यांचा उपयोग करण्यात आला.त्याचबरोबर,बिबट्यासाठी पिंजरा आणि शिकार ठेवण्यात आली.लागलीच बिबट्या शिकारीसाठी पिंजऱ्यात जाणार तोच अलगद जेरबंद झाला.आज सकाळच्या सुमारास बिबट्याला बेशुद्ध करून नागपूरच्या गोरेवाडा प्राणी संग्रहालय व वन्यप्राणी बचाव केंद्रात रवाना करण्यात आले.