आरमोरीत आंतरराष्ट्रीय योग दिन उत्साहात संपन्न.. -आमदार मसरामांनी योगासनाचा लुटला आनंद..

आरमोरी(गडचिरोली):-आंतरराष्ट्रीय योग दिनाचे औचित्य साधून शनिवार २१ जून रोजी आरमोरीच्या क्रीडा संकुल येथे तालुका क्रीडा संकुल समिती तसेच हितकारिणी माध्यमिक व उच्च माध्यमिक विद्यालय आरमोरी यांच्या संयुक्त विद्यमाने ‘आंतरराष्ट्रीय योग दिन’ मोठ्या उत्साहात साजरा करण्यात आला.

या योग दिनाचे उद्घाटन आरमोरी विधानसभा क्षेत्राचे आमदार रामदास मसराम यांच्या प्रमुख उपस्थितीत पार पडले.प्रसंगी उपस्थितांना मार्गदर्शन करतांना योगाचे मानसिक,शारीरिक आणि सामाजिक आरोग्यासाठी असलेले महत्त्व स्पष्ट केले.”योग हा केवळ शारीरिक व्यायाम नसून तो मन:शांतीचा व जीवनशैली सुधारण्याचा प्रभावी मार्ग आहे.युवकांनी नियमित योग साधना अंगीकारली पाहिजे.” असे मसराम यांनी मार्गदर्शन प्रसंगी उपस्थितांना सांगितले. आरमोरीतील क्रीडा संकुल अधिक आधुनिक,सुसज्ज आणि युवकांना पोषक असे बनवण्यासाठी आवश्यक ती सर्व पावले उचलली जातील,असेही त्यांनी स्पष्ट केले.

कार्यक्रमानंतर मसराम यांनी संपूर्ण क्रीडा संकुल परिसराची प्रत्यक्ष पाहणी केली व स्थानिक स्तरावर आवश्यक त्या सुधारणा,सुविधा व विकास कामांची माहिती घेतली.योग दिनानिमित्त अनेक योगप्रेमींनी सहभाग नोंदवला.यात विद्यार्थी,नागरिक,शिक्षक, क्रीडा मार्गदर्शक यांनी योगासने,प्राणायाम व ध्यान साधना करून योगासनाचा आनंद लुटला.यावेळी उपस्थित माजी आमदार कृष्णा गजबे,आरमोरी काँग्रेस कमिटीचे तालुकाध्यक्ष मिलिंद खोब्रागडे, आरमोरी पोलीस ठाण्याचे ठाणेदार कैलास गवते, भारत बावनथडे,पंकज खरवडे,पवन नारनवरे, पतंजली जिल्हा समन्वय चाकिनार पवार,बहेकार यांनी उपस्थिती दर्शविली होती.कार्यक्रमाचे संचालक ज्ञानबोनवार,तर आभार प्रदर्शन मनोज मने यांनी मानले.