आज दुपारी उपमुख्यमंत्री एकनाथ शिंदेंचे भंडाऱ्यात होणार आगमन..

भंडारा :-माजी मुख्यमंत्री तथा राज्याचे विद्यमान उपमुख्यमंत्री एकनाथ शिंदे यांचे आज,शनिवार २८ जून रोजी भंडारा शहरात दुपारच्या सुमारास आगमन होणार आहे.दुपारी पावणे एक वाजता हेलिकॉप्टरने त्यांचे हेलिपॅड परिसरातील एमआयईटी कॉलेज, शहापूर येथे आगमन होणार आहे.त्यानंतर ते वाहनाने दुपारी १ वाजता वैनगंगा नदी तिरावरील जल पर्यटन आणि खांब तलाव वरील ५१ फुट उंचीच्या श्रीरामांच्या मूर्तीच्या निर्माण कार्याचा आढावा व नंतर शिवसेना मेळाव्यात उपस्थित राहून पावणे चार वाजता नागपूरकडे प्रयाण करणार आहेत.पक्षातील कार्यकर्त्यांचा मेळावा व जाहीर सभा रेल्वे मैदान येथे होणार असून सदर मेळाव्यास राज्याचे उद्योगमंत्री उदय सामंत,राज्यमंत्री आशिष जयस्वाल आणि आमदार नरेंद्र भोंडेकर यावेळी उपस्थिती असणार आहेत.नुकत्याच पार पडलेल्या विधानसभा निवडणुकीत भंडारा विधानसभा क्षेत्रातून शिवसेना शिंदे गटाचे आमदार नरेंद्र भोंडेकर विजयी झाले होते. त्यामुळे ज्या मतदारसंघात शिवसेना शिंदे गटाचे उमेदवार विधानसभा निवडणुकीत विजयी झालेत, अश्या मतदारसंघात जाऊन मतदारांचे आभार मानण्यासाठी शिंदे यांची आभार यात्रा असल्याचे सांगण्यात येत आहे.