अखेर प्रतीक्षा संपली; उद्याला तेंदूपत्ता बोनसची रक्कम येणार खात्यात.. – आमदार रामदास मसराम यांच्या प्रयत्नांना यश..

देसाईगंज(गडचिरोली):-गडचिरोली जिल्ह्यातील तेंदूपत्ता संकलन करणाऱ्या मजुरांची मजुरी मिळून बराच कालावधी झाला आहे.अशातच गडचिरोली जिल्ह्याच्या देसाईगंज,कुरखेडा,आरमोरी,कोरची व इतर तालुक्यातील तेंदूपत्ता संकलन करणाऱ्या मजुरांच्या बोनसची रक्कम अद्यापही मिळालेली नसल्याने मजुरांद्वारे याबाबत वन विभागास वारंवार विचारणा करूनही बोनसची रक्कम जमा होण्याचे नावच घेत नव्हते.त्यामुळे सदरची बाब आरमोरी विधानसभा क्षेत्राचे आमदार रामदास मसराम यांच्या लक्षात येताच त्यांनी स्वतः वनविभागाच्या वरिष्ठ अधिकाऱ्यांशी दुरध्वनीद्वारे संपर्क साधून तेंदूपत्ता संकलन करणाऱ्या मजुरांच्या आर्थिक अडचणींची माहिती देत बोनसची रक्कम तात्काळ जमा करण्याची मागणी केली.त्यानुसार वन विभागाच्या अधिकाऱ्यांनी योग्य तो प्रतिसाद देत मजुरांची तेंदूपत्ता बोनसची रक्कम उद्या बुधवार ८ जानेवारीला मजुरांच्या खात्यावर जमा करण्यात येणार असल्याचे आश्वासन दिले असल्याने अखेर तेंदूपत्ता संकलन करणाऱ्या मजुरांच्या बोनसची प्रतीक्षा संपली असून आमदार रामदास मसराम यांच्या प्रयत्नांना यश आले आहे.