सामाजिक वनीकरण विभागाचा विभागीय वन अधिकारी अडकला एसीबीच्या जाळ्यात..

बैठक संपल्यानंतर श्रीनिवास लखमावाड आपल्या राहत्या घरी गेले.त्यानंतर लाचलुचपत प्रतिबंधक विभागाने पूर्वनियोजित सापळा रचत त्यांच्या निवासस्थानी छापा टाकला.यावेळी ४५ लाख रुपयांची लाच स्वीकारतांना एसीबीच्या पथकाने त्यांना रंगेहात पकडले.कारवाईनंतर त्यांना ताब्यात घेण्यात आले असून,पुढील कायदेशीर प्रक्रिया सुरू करण्यात आली आहे.तक्रारदार हे स्वतः सामाजिक वनीकरण विभागातील असून त्यांच्या विविध प्रलंबित कामांसाठी लखमावाड याने तब्बल ४५ लाख रुपयांच्या लाचेची मागणी केली होती.वृक्ष लागवडीचा निधी वितरीत करण्यासाठी १२ टक्के प्रमाणे मोबदला,निलंबनाचा प्रस्ताव पाठपुरावा न करणे,प्रलंबित दोन वेतनवाढ देणे,नर्सरी कामाची चौकशी न करता सहकार्य करणे यासाठी लाच मागितली होती.याबाबत तक्रारदाराने दोन दिवसांपूर्वी म्हणजेच २९ जुलै रोजी छत्रपती संभाजीनगर येथील लाचलुचपत प्रतिबंधक विभागाकडे तक्रार दाखल केली होती.तक्रार दिल्यानंतर एसीबीने लाचेच्या मागणीची पडताळणी करून खात्री केली होती. त्यानुसार,आज शुक्रवारी श्रीनिवास लखमवाड यांनी ४५ लाख रुपयांची रक्कम स्वीकारताच एसीबीच्या पथकाने त्यांना रंगेहाथ पकडले.या रकमेत ५ लाख रुपये खऱ्या नोटा तर उर्वरित रक्कम मनोरंजन बँकेच्या(डमी)नोटांच्या स्वरूपात होती.सदरची कारवाई लाच लुचपत प्रतिबंधक विभाग छत्रपती संभाजीनगर पोलीस अधीक्षक माधुरी केदार-कांगणे,यांच्या मार्गदर्शनाखाली पोलीस उपअधिक्षक बाळासाहेब शिंदे,पोलिस निरीक्षक भास्कर नवले,अंमलदार भीमराज जिबडे,पुष्पा दराडे,अनवेज शेख,प्रकाश डोंगरदिवे,रामेश्वर ताठे यांच्या पथकाने केली.