दुर्दैवी घटना..! अपक्ष उमेदवाराचा मतदान केंद्रावरच मृत्यू…

बाळासाहेब शिंदे बीड विधानसभा मतदारसंघातून अपक्ष निवडणूक लढवत होते.त्यामुळे,आज,बुधवार २० नोव्हेंबर रोजी म्हणजेच मतदानाच्यादिवशी बाळासाहेब शिंदे हे बीड शहरातील छत्रपती शाहू विद्यालयात असणाऱ्या मतदान केंद्रावर थांबले होते. यादरम्यान,त्यांना चक्कर आली अन् ते खाली पडले.

त्यानंतर,कार्यकर्त्यांनी त्यांना तात्काळ बीड शहरातील खासगी रुग्णालयात उपचारासाठी दाखल केले.मात्र, तिथून त्यांना छत्रपती संभाजी नगर येथील रुग्णालयात नेण्यात आले.पण,डॉक्टरांनी त्यांना मृत घोषित केले.दरम्यान,या दुर्दैवी घटनेने सर्वत्र हळहळ व्यक्त केली जात आहे.घटनेने शिंदे कुटुंबीयांवर दुःखाचा डोंगर कोसळला असून उमेदवार शिंदे यांच्या कार्यकर्त्यांनाही मोठा धक्का बसला आहे.