व्यायाम करीत असलेल्या पाच तरुणांना एसटी बसने उडवले.. – तिघेजण ठार तर दोघे जखमी; आज सकाळची घटना..

बीड :-सकाळच्या सुमारास पोलीस भरतीची तयारी करीत असलेले पाच तरुण रस्त्याच्या कडेला व्यायाम करीत असतांना एसटी बसने उडवल्याची घटना आज,रविवार १९ जानेवारीला बीड परळी मार्गावरील बीड शहरापासून पाच किलोमीटर अंतरावर असलेल्या मोची पिंपळगाव फाट्यावर घडली.यात तिघेजण ठार तर दोघेजण जखमी झाले.राजुरी गावातील पाच विद्यार्थी हे सकाळी व्यायाम करण्यासाठी बीड परळी रस्त्यावर गेले असता बस क्रमांक-एम एच १४ बी टी १४७३ या बसणे पाच जणांना उडवले.यात ओम सुग्रीव घोडके वय १९ वर्षे, विराट बाब्रुवान घोडके वय १८ वर्षे,सुबोध बाबासाहेब मोरे वय १९ वर्षे सर्व रा.घोडके राजुरी,ता.बीड यांचा मृत्यू झाला असून दोघांना उपचारासाठी शासकीय रुग्णालयात दाखल करण्यात आले.अपघात एवढा भीषण होता की रस्त्यावर रक्त,मांसाचा सडा पडला होता.बस काही अंतरावर जाऊन रस्त्याच्या बाजूला असलेल्या खड्ड्यात गेली.घटनेची माहिती कळताच तरुणांच्या नातेवाईकांनी तात्काळ जिल्हा रुग्णालयात धाव घेतली आहे.परळी महामार्गावर झालेल्या अपघातात बस सिमेंटच्या रस्त्यावरून खाली घसरली असून बसचा मागच्या काचा फुटल्या आहेत.