अजित पवार यांच्या जयंतीनिमित्त वृक्षारोपण; तर मुख्यमंत्री फडणवीस यांच्या वाढदिवसानिमित्त विद्यार्थ्यांना शैक्षणिक किटचे वाटप..

देसाईगंज(गडचिरोली):-महात्मा गांधी नगर परिषद उच्च प्राथमिक शाळा,नैनपूर वॉर्ड,देसाईगंज येथे आज,बुधवार २२ जुलै रोजी अजित पवार यांच्या जयंतीनिमित्त पर्यावरण संवर्धनाचा संदेश देणारा वृक्षारोपण कार्यक्रम तसेच महाराष्ट्र राज्याचे मुख्यमंत्री देवेंद्र फडणवीस यांच्या वाढदिवसानिमित्त विद्यार्थ्यांना शैक्षणिक किटचे वाटप उत्साहपूर्ण वातावरणात संपन्न झाले.

कार्यक्रमास देसाईगंज नगरपरिषदेच्या नगराध्यक्षा लता सुंदरकर,पाणीपुरवठा सभापती सचिन खरकाटे,आरोग्य सभापती चैतन्यदास विधाते,नगरसेविका ज्योत्सना लुटे,भारती कुथे,युवा नेतृत्व आकाश घोरमोडे,भाजप नेते

सचिन वानखेडे तसेच इतर मान्यवर सदस्यांची प्रमुख उपस्थिती लाभली.

मान्यवरांच्या शुभहस्ते शाळेच्या परिसरात विविध वृक्षांची लागवड करण्यात आली.विद्यार्थ्यांनी वृक्षसंवर्धनाची शपथ घेत पर्यावरण रक्षणाचा संकल्प केला.त्यानंतर मुख्यमंत्री देवेंद्र फडणवीस यांच्या वाढदिवसानिमित्त विद्यार्थ्यांना शैक्षणिक किटचे वाटप करण्यात आले.या उपक्रमामुळे विद्यार्थ्यांमध्ये आनंदाचे वातावरण निर्माण झाले.यावेळी उपस्थित मान्यवरांनी विद्यार्थ्यांना गुणवत्तापूर्ण शिक्षण, पर्यावरण संरक्षण आणि सामाजिक जबाबदारी यांचे महत्त्व पटवून देत सातत्याने प्रगती करण्याचे आवाहन केले.

कार्यक्रमाच्या यशस्वी आयोजनाबद्दल महात्मा गांधी नगर परिषद उच्च प्राथमिक शाळा,नैनपूर वॉर्ड,देसाईगंज परिवारातर्फे सर्व लोकप्रतिनिधी,पदाधिकारी,मान्यवर व सहकार्य करणाऱ्या सर्वांचे मनःपूर्वक आभार व्यक्त करण्यात आले.

“एक हात वृक्षासाठी… एक हात विद्यार्थ्यांच्या उज्ज्वल भविष्यासाठी…” हा संदेश देत कार्यक्रमाची सांगता उत्साहपूर्ण वातावरणात झाली.