अखेर कारच्या अपघात प्रकरणी ट्रकचालकावर गुन्हा दाखल… – अपघातात देसाईगंज येथील युवकाचा झाला होता मृत्यू…

आरमोरी(गडचिरोली):-पाच दिवसांपूर्वी आरमोरी तालुक्याच्या चुरमुरा-किटाळी रस्त्यावर रात्रीच्या सुमारास उभ्या असलेल्या ट्रकला कारची धडक  होऊन देसाईगंज येथील २४ वर्षीय युवक शिफान खान इलिायास पठाण यांचा घटनास्थळीच मृत्यू झाला होता; तर आरमोरी शहरातील २२ वर्षीय शेखर संजय पिंपळकर सह २६ वर्षीय महेश सुरेश मुरवतकर हे दोघेही जखमी झाले होते.त्यानुसार काल,शनिवारी २१ डिसेंबरला आरमोरी पोलिस ठाण्यात याबाबत शहाबुद्दीन जहीर उद्दीन पठाण यांनी तक्रार दाखल केली.त्यानुसार २३ वर्षीय ट्रकचालक प्रदीप राजेश बर्मन रा.जोबी,ता.मानपूर,मध्य प्रदेश याच्यावर गुन्हा दाखल करण्यात आला असल्याची माहिती आरमोरी पोलिसांनी दिली.

माहितीनुसार,चुरमुरा-किटाळी मार्गावर ट्रकचालक प्रदीप बर्मन याने एमएमच-४०सीएम-४४८५ या क्रमांकाचा ट्रक सार्वजनिक वाहतुकीस अडथळा निर्माण होईल,अशा स्थितीत उभा करून ठेवला होता.त्यातच गडचिरोली येथे काही कामानिमित्त गेलेले शिफान खान इलिायास पठाण,शेखर पिंपळकर,महेश मुरवतकर हे तिघेही एमएच-३१ एफए-४५१३ क्रमांकाच्या कारने गडचिरोलीतील कामे आटोपून गावाकडे परत येत होते.अशातच मंगळवारी १७ डिसेंबरच्या रात्री ९ वाजेच्या सुमारास समोरून येणाऱ्या वाहनांच्या लाइटमुळे डोळे दिपल्याने कारची उभ्या ट्रकला जोरदार धडक बसली. यात कारचालक शिफान खान इलियास पठाण याचा घटनास्थळीच मृत्यू झाला होता,तर शेखर पिंपळकर व महेश मुरवतकर दोघेही जखमी झाले होते.त्यानुसार आरमोरी पोलिस ठाण्यात तक्रार दाखल केल्यानंतर ट्रकचालक प्रदीप बर्मन याच्यावर गुन्हा दाखल करण्यात आला असल्याचे आरमोरी पोलिसांनी कळविले आहे.