९ वर्षीय चिमुकलीचा विनयभंग करणाऱ्या ३६ वर्षीय नराधमास अटक…

गोंदिया :-एका ९ वर्षीय चिमुकलीचा ३६ वर्षीय नराधमाकडून विनयभंग केल्याचा प्रकार अर्जुनी मोरगाव तालुक्यातील एका गावात उघडकीस आला. प्रकरणी पोलिसांनी नराधमास बेड्या ठोकल्या आहेत. नराधमाने घराबाहेर खेळत असलेल्या ९ वर्षीय चिमुकलीला आपल्या घरी बोलावून विनयभंग केला.नवेगावबांध पोलिस ठाण्यांतर्गत येणाऱ्या एका गावातील रजनीकांत कमलदास वालदे वय ३६ वर्षे याने त्याच्याच गावातील ९ वर्षीय चिमुकली सोबत खेळून दुपारी १ वाजताच्या सुमारास चिमुकली आपल्या घरी जात असतांना तिला जबरदस्तीने पकडून आपल्या घरी नेले.वाईट स्पर्शाची व अतीप्रसंग केला जाणार असल्याचे लक्षात येताच चिमुकलीने रजनीकांतच्या हाताला चावा घेऊन घटनास्थळावरून पळ काढला.घरी जाऊन घडलेला प्रसंग तिने कुणालाही सांगितला नाही.मात्र,काही दिवसांनंतर त्या चिमुकलीची प्रकृती बिघडली.तिला गंभीर आजार झाल्याने तिच्या आईने तिला विचारणा केली.त्यानंतर संपूर्ण हकीकत तिने तिच्या आईला सांगितले.त्यानुसार चिमुकलीचे बयाण आणि तक्रारीच्या आधारे नवेगावबांध पोलिसांनी रजनीकांत वालदे याच्याविरोधात गुन्हा दाखल करून त्याला अटक केली. याप्रकरणी पुढील तपास पोलिस निरीक्षक योगिता चाफले यांच्या मार्गदर्शनाखाली पोलिस नायक वैशाली घनमारे करीत आहेत.