सरपण गोळा करण्यासाठी जंगल परिसरात गेलेल्या इसमावर वाघाचा हल्ला; इसम ठार..

जगन धुर्वे हे जवळच्या जंगल परिसरात सरपण गोळा करण्यासाठी गेले असता दबा धरुन बसलेल्या वाघाने त्यांच्यावर अचानकपणे झडप घातली.मान व गळ्यावर गंभीर मार लागल्याने धुर्वे यांचा जागीच मृत्यू झाला. घटनेची माहिती मिळताच ग्रामस्थांनी तातडीने वन विभागाला कळवले.वनपरिक्षेत्र अधिकारी प्रियंका वेलमे व त्यांची चमू घटनास्थळावर दाखल झाली.या हल्ल्यानंतर,वन अधिकाऱ्यांनी आजूबाजूच्या परिसरात गस्त वाढवली असून सतर्कतेचा इशारा जारी केला आहे.प्रसंगी पीडितेच्या कुटुंबाला १ लाख रुपयांची मदत देण्यात आली असून स्थानिकांनी वनक्षेत्रात जातांना सावधगिरी बाळगण्याचे आवाहन वन विभागाच्या वतीने करण्यात आले आहे.