शिक्षकी पेशाला काळिमा; ५२ वर्षीय शिक्षकाकडून शालेय विद्यार्थिनीचा विनयभंग..

चंद्रपूर :-गुरूची आज्ञा विद्यार्थ्यांच्या सर्वांगीण विकासात महत्वाचे योगदान देते.शालेय शिक्षण घेत असतांना ज्या गुरूवर विश्वास ठेऊन ज्ञानार्जनाचे धडे गिरवल्या जाते,असे शिक्षकच भक्ष होत असतील तर एवढे मोठे पाप कुठे फेडणार,अशी म्हणण्याची वेळ काही शिक्षकांच्या बाबतीत उघड होऊ लागली आहे. अश्याच प्रकारे गुरू-शिष्य नात्याला काळिमा फासल्याची घटना काल मंगळवारी चंद्रपुरात उघडकीस आली आहे.एका ५२ वर्षीय शिक्षकाने चक्क शाळेतीलच इयत्ता पाचवीत शिक्षण घेणाऱ्या विद्यार्थिनीचा विनयभंग केल्याप्रकरणी प्रकरणाचे गांभीर्य लक्षात घेता पोलिसांनी आरोपी शिक्षकास तात्काळ बेड्या ठोकून न्यायालयात हजर केले असता, न्यायालयाने त्याची कोठडीत रवानगी केली आहे. लक्ष्मीकांत धर्मपुरीवार,असे शिक्षकी पेशाला काळिमा फासणाऱ्या शिक्षकाचे नाव आहे.

आरोपी लक्ष्मीकांत धर्मपुरीवार हा चंद्रपूर पंचायत समिती अंतर्गत येणाऱ्या एका जिल्हा परिषद

शाळेत शिक्षक म्हणून कार्यरत आहे.चार दिवसांपूर्वी त्याने पाचवीत शिक्षण घेणाऱ्या विद्यार्थिनीचा विनयभंग केला होता.त्यामुळे ती घाबरली आणि तिने तिच्या मैत्रिणीला याबाबत सांगितले.मैत्रिणीने सदरची माहिती पीडितेच्या आईला सांगितली.पिडीत मुलीच्या आईने शाळेत जाऊन एका शिक्षिकेला याबाबत जाब विचारला असता,त्यांनी शाळेत चौकशी करून शाळा व्यवस्थापन समिती तसेच पंचायत समिती प्रशासनाला सांगितले. त्यानंतर पंचायत समिती प्रशासनाच्या चौकशीअंती वरिष्ठांच्या आदेशाने पोलीस ठाण्यात तक्रार दाखल करण्यात आली व तक्रारीच्या आधारावर पोलिसांनी शिक्षक लक्ष्मीकांत धर्मपुरीवार याच्याविरुद्ध बीएनएस ७४ पोक्सोअंतर्गत गुन्हा दाखल करून अटक केली. अटक करून आरोपीस तात्काळ न्यायालयीन कोठडीत पाठविण्यात आले.