रेती वाहून नेणाऱ्या टिप्परची दुचाकीला धडक; पत्नी जागीच ठार तर पती गंभीर जखमी…

भंडारा :-रेती वाहून नेणाऱ्या भरधाव टिप्परची दुचाकीला धडक बसताच दुचाकीवरील पत्नी जागीच ठार झाली.तर पती गंभीर जखमी झाल्याची घटना काल,बुधवारी ८ जानेवारीच्या दुपारी १२ वाजताच्या सुमारास पवनीच्या वैनगंगा नदी पुलावर घडली.दर्शना शिवशंकर चौरे वय ३२ वर्षे असे मृत महिलेचे नाव आहे.तर शिवशंकर रामदास चौरे वय ३८ वर्षे,रा. इटगाव असे जखमीचे नाव आहे.इटगाव येथून शिवशंकर चौरे हे एमएच-३६ एएफ-७३८९ क्रमांकाच्या मोटरसायकलने पत्नी दर्शना यांना घेऊन ग्रामीण रुग्णालय पवनी येथे गेले होते.पवनीवरून इटगाव येथे परत जात असतांना त्यांच्या मोटरसायकला समोरून येणाऱ्या टिप्परने जबर धडक दिली.यात मोटरसायकलवरून पत्नी दर्शना चौरे ही खाली कोसळली.डोक्याला गंभीर दुखापत झाल्याने तिचा घटनास्थळीच मृत्यू झाला.तर यात दुचाकी चालक रामदास चौरे गंभीर जखमी झाले.त्यांना प्रथमोपचार करून पुढील उपचाराकरिता नागपूर येथे हलविण्यात आले आहे.याप्रकरणी पवनी पोलिसांनी घटनेची नोंद केली,असून पुढील तपास ठाणेदार निलेश ब्राह्मणे यांच्या मार्गदर्शनात सहाय्यक पोलीस निरीक्षक निखिल राहाटे करित आहेत.