रान डुक्कर आडवे आल्याने कार अनियंत्रित होऊन डिझेल टँकरला धडकली.. – कार धडकेत पोलीस कर्मचाऱ्याचे अख्खे कुटंब मृत्युमुखी..

वर्धा :-मध्यरात्रीच्या सुमारास वर्धा जिल्ह्याच्या समुद्रपूर तालुक्यातील मांडगाव येथून कारने आपल्या कुटुंबीयांसह वर्ध्याच्या दिशेने येत असतांना तरोडा गाव नजीक मार्गावर रान डुक्कर आडवे आल्याने कार अनियंत्रित होऊन समोरून येणाऱ्या डिझेल टँकरला धडकली.यात पोलीस कर्मचारी असलेल्या प्रशांत वैद्य यांच्या पत्नी प्रियंका वैद्य आणि मुलाचा जागीच मृत्यू झाला.तर प्रशांत वैद्य व मुलीचा उपचारादरम्यान मृत्यू झाल्याची दुर्दैवी घटना घडली आहे.तीन वर्षांचा मुलगा तर पाच वर्षांच्या मुलीचा मृतकांमध्ये समावेश आहे.

काल,सोमवारच्या मध्यरात्री कारची टँकरला धडक झाल्याने भीषण अपघातात एकाच कुटुंबातील चौघा जणांना प्राण गमवावे लागले आहे.पोलीस कर्मचाऱ्याचे संपूर्ण कुटुंब या अपघातात मृत्युमुखी पडले असून वर्ध्याच्या तरोडा नजीक हा अपघात झाला.पती पत्नी आणि दोन मुले असे चौघे जण अपघातात ठार झाले.पोलीस कुटुंब मांडगाव येथून वर्ध्याकडे येत असतांना कारची टँकरला धडक बसली आणि अख्खे कुटुंबच मृत्युमुखी पडल्याने परिसरात सर्वत्र हळहळ व्यक्त केली जात आहे.