मोठी बातमी.. तब्बल २५ ॲप्ससह वेबसाइट्सवर केंद्र सरकारने घातली बंदी.. – उल्लू ॲप्ससह विविध प्लॅटफॉर्मचा समावेश..

नवी दिल्ली :-केंद्र सरकारने भारतामध्ये कोरोना कालावधीत पॉर्न वेबसाईटवर बंदी आणल्यानंतर विविध कंपन्यांनी सॉफ्ट पॉर्न कंटेंट दाखविण्यास सुरुवात केली होती.यात उल्लू ॲप आणि एएलटीटी सारख्या ॲप्सनी धुमाकूळ घातला होता.हे सर्व प्लॅटफॉर्म आय टी (IT) नियमांचे उल्लंघन करत असल्याचे आढळून आले होते.हे प्लॅटफॉर्म नियमांचे उल्लंघन करून अश्लील आणि आक्षेपार्ह सामग्री प्रसारित करत होते.तरुण वर्गासह सर्वच वयोगटाला या ॲप्सनी चांगलीच भुरळ घातली होती.यामुळे तरुण पिढी देखील बिघडत चालली होती. यावर आवर  घालावे कसे? असा प्रश्न केंद्र सरकार पुढे होता.अश्यातच आता केंद्र सरकारने मोठा निर्णय घेत इंटरनेट सेवा प्रदात्यांना देशभरात अशा प्रकारची सामग्री दाखवणाऱ्या तब्बल २५ ॲप्ससह वेबसाइट तात्काळ ब्लॉक करण्याचे निर्देश दिले आहेत.यात उल्लू, एएलटीटी,बिग शॉट्स ॲप,डेसिफ्लिक्स,बूमेक्स, नवरासा लाईट,गुलाब ॲप,कंगन ॲप,बुल ॲप,जलवा ॲप,वॉव एंटरटेनमेंट,लूक एंटरटेनमेंट हिटप्राइम,फेनिओ,शोएक्स, सोल टॉकीज,अड्डा टीव्ही,हॉटएक्स व्हीआयपी,हलचल ॲप, मूडएक्स,निऑनएक्स व्हीआयपी,फुगी, मोजफ्लिक्स,ट्रायफ्लिक्स या सॉफ्ट पॉर्न दाखविणाऱ्या प्लॅटफॉर्मवर केंद्र सरकारने बंदी घातली आहे.यासाठी केंद्र सरकारने माहिती तंत्रज्ञान कायदा,२००० च्या कलम ७९ (३)(ब) व IT नियम,२०२१ च्या नियम ३(१) (ड) नुसार कारवाई केली आहे.