बिबट्याची शिकार केल्याचे निष्पन्न न झाल्याने वृद्धाची निर्दोष सुटका..

भंडारा :-पवनी वन परिक्षेत्रातील नागणगाव येथील शेत शिवारात सन २०१४ मध्ये मादी बिबट्याचे शव कुजलेल्या स्थितीत आढळून आल्यामुळे शिकार केल्याच्या संशयावरून पवनी येथील एका वृद्धाला अटक करण्यात आली होती.मात्र,तब्बल ११ वर्षानंतर गुन्हा सिद्ध होत नसल्याने त्यांची निर्दोष मुक्तता करण्यात आली.

नागणगाव हे राखीव वन परिक्षेत्र असून, पवनी वन परिक्षेत्राच्या अंतर्गत येते.८ डिसेंबर २०१४ ला या शेत शिवारात एका मादी बिबट्याचे शव कुजलेल्या अवस्थेत आढळले.याची माहिती मिळताच वन विभागाने बिबट्याची शिकार करण्यात आली असावी,अशा संशयावरून शेळ्या चारणारे परमानंद वातू लांजेवार या ७० वर्षाच्या वृद्धाला वन्य जीव संरक्षण कायद्यानुसार अटक केली होती.परंतु,या आरोपीकडून कोणतेही शिकार करण्याचे मृत बिबट्याचे जैविक अवयव रासायनिक परीक्षणासाठी हैदराबाद येथील कोशिकीय व आण्विक जीव विज्ञान प्रयोगशाळेत पाठविण्यात आले होते.परंतु,बिबट्याची शिकार झाल्याचे परीक्षणात निष्पन्न झाले नाही.बिबट्याच्या शिकार प्रकरणात नेमका तपास कोणी केला व पंचनामे कोणी केले,हे देखील अस्पष्ट होते. शवविच्छेदन करणाऱ्या पशुवैद्यकीय अधिकारी यांचा अहवाल सुसंगत नव्हता व त्यांची साक्ष न्यायालयात घेण्यात आली नाही.या कारणांमुळे या आरोपीला पवनी न्यायालयाने दोषमुक्त केले.आरोपीच्या वतीने ॲड.महेंद्र गोस्वामी यांनी बाजू मांडली.