पठ्ठ्याने १८ वर्षे पूर्ण व्हायला एकच महिना असतांना फूस लावून पळवून नेले.. – संशयित युवकावर अपहरणाचा गुन्हा दाखल; आरमोरी तालुक्यातील घटना..

आरमोरी(गडचिरोली):-अल्पवयीन मुलींच्या प्रेम प्रकरणात दिवसेंदिवस वाढ होतच चालली आहे. अनेकजण पाहणी-देखणीचे विवाह करण्यापेक्षा लव्ह मॅरेजकडे वळलेले दिसून येत आहेत.त्यातच सर्वसामान्य नागरिकांची प्रकरणे लवकर जग जाहीर होत असतात.तर मोठ्यांची प्रकरणे चार भिंतीच्या आतच म्हणावे लागेल.अशातच आता गडचिरोली जिल्ह्याच्या आरमोरी पोलिस ठाण्याच्या हद्दीत  अचंभित करणारी घटना उघडकीस आली आहे. आरमोरी तालुका व कुरखेडा तालुक्यातील काही गावे लागूनच असल्यासारखी आहेत.त्यामुळे कुरखेडा तालुक्यातील एका अल्पवयीन मुलीस फूस लावून पळवून नेल्या प्रकरणी मुलीच्या वडिलांनी पोलिसांत दिलेल्या तक्रारीवरून एका संशयितावर अपहरणाचा गुन्हा आरमोरी पोलीस ठाण्यात दाखल करण्यात आला आहे.मंगेश टेकाम असे संशयिताचे नाव आहे.पठ्ठ्याने मुलीचे वय १८ वर्षे पूर्ण व्हायला एकच महिना असतांना नेल्याचा आरोप आहे.

पोलिसांनी दिलेल्या माहितीनुसार,डॉ.बाबासाहेब आंबेडकर जयंती दिनी म्हणजेच १४ एप्रिल रोजी मुलीचे कुटुंबीय रात्रीच्या सुमारास जेवण करून निद्रावस्थेत गेले.सकाळच्या सुमारास कुटुंबीय जागे झाले असतांना मुलगी घरी नसल्याचे कुटुंबियांच्या लक्षात आले.त्यामुळे त्यांनी इतरत्र व नातेवाईकांकडे शोधाशोध केली. शोधाशोध करुनही मुलीचा थांगपत्ता लागेनासा झाल्याने अखेर मुलीच्या वडिलांनी आरमोरी पोलीस ठाणे गाठून तक्रार दाखल केली.त्यानुसार मुलगी कुठेच आढळून न आल्याने एका युवकावर शंका बळावली व संशयित मंगेश टेकामविरुध्द तक्रार दाखल केली. त्यानुसार १७ वर्षे ११ महिन्यांच्या अल्पवयीन युवतीला फुस लावून पळवून नेल्या प्रकरणी अपहरणाचा गुन्हा नोंदविण्यात आला आहे. प्रकरणाचा पुढील तपास आरमोरी पोलीस ठाण्याचे पोलिस उपनिरीक्षक दिलीप मोहुर्ले करीत आहेत.