आता आरोपींची संख्या झाली सहा; अर्जुनी-मोरगाव येथील शिक्षकास अटक… – नकली मुख्याध्यापक घोटाळा प्रकरण…

पुडकेला मुख्याध्यापक पदाच्या मान्यतेसाठी शिक्षक म्हणून काम केल्याचे अनुभव प्रमाणपत्र हवे होते. त्यासाठी म्हैसकरने पुडकेची मदत केली.२०२२ मध्ये त्याने ओंकार मल्टिपरपज शिक्षण संस्थेतर्फे चालविण्यात येणाऱ्या एस.के.बी.हायस्कूल, यादवनगर येथे पुडके १ ऑगस्ट २०१७ ते ३१ डिसेंबर २०२२ या कालावधीत कार्यरत असल्याचे अनुभव प्रमाणपत्रदेखील तयार करून दिले.त्यावर मुख्याध्यापिकेची बोगस स्वाक्षरीदेखील होती. त्याआधारे पुडकेला मुख्याध्यापकपदाची मान्यतादेखील मिळवून देण्यात आली.मात्र संस्थेचे अध्यक्ष ओंकार अंजीकर यांच्या लक्षात हा गैरप्रकार आला.त्यांनी ऑगस्ट २०२३ मध्येच उपसंचालक कार्यालयाकडे तक्रार केली होती.मात्र,त्याची गंभीरतेने दखल न घेण्यात आल्याने २०२४ मध्ये त्यांनी परत तक्रार केली.मुख्याध्यापक नियुक्ती प्रकरणात आवश्यक असलेली कागदपत्रे बनावट पद्धतीने म्हैसकरने तयार करून दिली होती.मात्र,शिक्षक असूनदेखील लेटरपॅड तयार करतांना तसेच इतर दस्तावेजांवर वेलांटी,मात्रा अशा शुल्लक व्याकरणाच्या चुका त्याने केल्या होत्या.त्यामुळे तो सहजपणे अनेकांच्या नजरेत आला.