थकीत कराचा वेळेत भरणा करा; देसाईगंज नगर परिषदेकडून साहित्य जप्तीची कारवाई सुरू..

देसाईगंज(गडचिरोली):-कराचा वेळेत भरणा न करणाऱ्या देसाईगंज नगरपरिषद हद्दीतील थकीत करधारकांवर साहित्य जप्तीची कारवाई नगरपरिषदेच्या वतीने सुरू करण्यात आली आहे.ज्यांच्याकडे चालू तसेच बऱ्याच कालावधीपासून थकीत कर येणे बाकी आहे; अशांचे साहित्य जप्त करण्यात येत आहे.यामध्ये कूलर, टीव्ही,सोफा,टेबल,खुर्च्या व इतर साहित्य जप्त करण्यात येत आहे.साहित्य जप्त करून लीलाव करण्यात येणार आहे व लिलावातून मिळणाऱ्या रकमेतून वसुलीची रक्कम जमा करण्यात येणार आहे.पहिल्या टप्प्यात आंबेडकर वार्ड,भगतसिंग वार्ड तसेच नैनपूर वार्डामध्ये कारवाई करण्यात आलेली आहे.कारवाईच्या दुसऱ्या टप्प्यामध्ये कन्नमवार वार्ड,किदवाई वार्ड,जवाहर वार्ड,शास्त्री व चव्हाण वार्डामध्ये जप्ती मोहीम राबविण्यात येणार आहे.तर तिसऱ्या टप्प्यामध्ये माता वार्ड,शिवाजी,तुकूम, कस्तुरबा, गांधी,हनुमान,विर्शी या वार्डामध्ये मोहीम राबविण्यात येणार आहे.त्यामुळे सर्व नागरिकांनी कराचा भरणा वेळेत करावा व होणाऱ्या कारवाईला टाळावे तसेच यानंतरही कर थकीत ठेवल्यास १ एप्रिल पासून दोन टक्के प्रती महिन्याप्रमाणे २४ टक्क्यापर्यंत शास्ती आकारण्यात येणार असल्याचे देसाईगंज नगर परिषदेचे  मुख्याधिकारी डॉ.कुलभूषण रामटेके यांनी स्पष्ट केले  आहे.

शहरात विविध प्रभागात ५ वसुली पथक फिरत असून कार्यालयात २ पथक वसुली करीत आहेत.जप्तीचे पथक मुख्याधिकारी यांनी तयार केले असून सदर पथक थकीत करदाते यांचे घरी जाऊन जप्ती मोहीम राबवीत आहेत.सदर पथकामध्ये स्वप्नील हमाने कर निरीक्षक, प्रफुल हटवार कर व प्रशासकीय अधिकारी, संगणक अभियंता प्रशांत चिचघरे,अग्निशमन अधिकारी अनिल गोवर्धन,सहाय्यक नगर रचनाकार दिव्या परतेकी,कर लिपिक दिनकर खेत्रे,मुकेश सोनेकर,शैलेश खांडेकर,विमल सोनावणे व इतर कर्मचारी वृंदांचा समावेश आहे.