चार महिन्याच्या मुलीची हुद्द बापानेच पाळण्याच्या दोरीने गळा आवळून केली हत्या..

मुंबई :-अवघ्या चार महिन्याच्या मुलीची हुद्द बापानेच पाळण्याच्या दोरीने गळा आवळून हत्या केल्याची घटना काल शनिवारी मुंबईच्या घाटकोपर कामराज नगरमध्ये घडली.याप्रकरणी आरोपी पालक संजय कोकरे याला पंतनगर पोलिसांनी अटक केली आहे.

अधिक माहिती अशी की,कोकरे यांना अगोदरच दोन मुली आहेत.त्यातच तिसरीही मुलगी झाल्याने बापाचा राग अनावर झाला.घटनेच्या वेळी चिमुकलीची आई ही कामानिमित्त बाहेर गेली होती तर मुलगी पाळण्यात झोपलेली होती.तेवढ्यात संजय कोकरे याने निष्पाप, निरागस चिमुकलीचा मुलगी ज्या पाळण्यात झोपली होती,त्याच पाळण्याच्या दोरीने तिचा गळा आवळला. काही वेळाने जेव्हा मुलीची आई घरी आली,तेव्हा तिला चिमुकली काहीही हालचाल करीत नसल्याचे लक्षात येताच सदरची घटना उघडकीस आली.आपले मुल गेल्याचे पाहताच आई बेशुध्द पडली.घटनेची माहिती पोलिसांना मिळताच पंतनगर पोलिसांनी घटनास्थळ गाठून आरोपी संजय कोकरे यांस अटक करून पुढील तपास सुरू केला आहे.