राज्यात वादळी पावसाची शक्यता..!

मुंबई :-गेल्या काही दिवसांपासून राज्यातील हवामान पूर्णपणे कोरडे असून नैऋत्य मान्सूनने राज्यातून निरोप घेतला आहे.मात्र येत्या,बुधवार १५ ऑक्टोंबर पासून राज्यातील हवामानात परत एकदा बदल  अपेक्षित असल्याची शक्यता हवामान खात्याकडून वर्तविण्यात आली आहे.१५ ऑक्टोंबर पासून किमान १८ ऑक्टोबरपर्यंत विदर्भ,मराठवाडा आणि मध्य महाराष्ट्रात आभाळी हवामान आणि दुपार नंतरचा वादळी पाऊस बरसणार आहे.

सध्याच्या अंदाजानुसार वादळी पावसाची सर्वात अधिक शक्यता आणि प्रमाण हे विदर्भ आणि मराठवाड्यात असू शकते,जिथे या दरम्यान अनेक भागांमध्ये आभाळी हवामान अथवा वादळी पावसाची शक्यता राहील.तुलनेत खानदेश आणि मध्य महाराष्ट्रात विखुरलेल्या स्वरूपाचा वादळी पाऊस पडू शकतो.त्यामुळे शेतकऱ्यांनी हवामान स्थितीनुसार नियोजन करावे आणि काढणी केलेल्या पिकांना वादळी पाऊस आणि वाऱ्यापासून सुरक्षित ठेवावे, असे आवाहन कृषी विभागाकडून करण्यात येत आहे.