आज राजमाता जिजाऊ व स्वामी विवेकानंद जयंतीनिमित्त प्रेरणादायी शालेय कार्यक्रम संपन्न

देसाईगंज(गडचिरोली):-देसाईगंज शहराच्या महात्मा गांधी नगरपरिषद उच्च प्राथमिक शाळा नैनपूर येथे आज,सोमवार १२ जानेवारीला राजमाता जिजाऊ व स्वामी विवेकानंद यांच्या जयंतीनिमित्त शैक्षणिक, संस्कारक्षम व प्रेरणादायी कार्यक्रम मोठ्या उत्साहात पार पडला.प्रसंगी कार्यक्रमाच्या अध्यक्षीय भाषणात शाळेचे मुख्याध्यापक खेमराज तिघरे यांनी राजमाता जिजाऊ यांच्या आदर्श मातृत्वातून घडलेले छत्रपती शिवाजी महाराजांचे नेतृत्व तसेच स्वामी विवेकानंद यांच्या राष्ट्र उभारणीसाठीच्या विचारांचे महत्त्व विद्यार्थ्यांना समजावून सांगितले.कार्यक्रमाचे संचालन शिक्षक ईश्वर गाणे यांनी प्रभावी व सुबक शब्दांत केले.यावेळी शिक्षिका अपर्णा जडे व प्रियंका तलमले यांनी विद्यार्थ्यांना स्वामी विवेकानंद व राजमाता जिजाऊ यांच्या जीवनचरित्रावर सखोल मार्गदर्शन केले. विद्यार्थ्यांना आत्मविश्वास,शिस्त,कर्तव्यभावना व राष्ट्रप्रेम यांचे महत्त्व पटवून दिले.

कार्यक्रमाचे नियोजन शिक्षिका प्राची खरकटे यांनी अत्यंत शिस्तबद्ध व यशस्वीरीत्या केले.त्याचबरोबर,

पाचवीच्या विद्यार्थ्यांनी स्वामी विवेकानंद व राजमाता जिजाऊ यांच्या जीवनावर आधारित प्रभावी भाषणे सादर करून कार्यक्रमात रंगत आणली.कार्यक्रमाच्या शेवटी आभार प्रदर्शन विजय मुळे यांनी करून अध्यक्ष, मार्गदर्शक शिक्षक,विद्यार्थी तथा सर्व सहकारी शिक्षकांचे मनःपूर्वक आभार मानले तसेच अशा उपक्रमांमुळे विद्यार्थ्यांच्या सर्वांगीण विकासाला चालना मिळते,असे मत व्यक्त केले.