होमगार्ड बंधूंना दसऱ्याची मोठी भेट.. आता राज्यातील होमगार्ड यांचे मानधन दुप्पट

मुंबई :-होमगार्ड बंधू रात्रंदिवस कायदा आणि सुव्यवस्था अबाधित राखण्यासाठी प्रयत्न करीत असतात.अशातच राज्यातील होमगार्ड यांना अल्प असे मानधन दिले जात असल्याने यासंदर्भात काहींनी आवाज देखील उठवला होता.हीच बाब लक्षात घेता काही दिवसांपूर्वी मंत्रिमंडळाच्या बैठकीत राज्य सरकारने होमगार्ड यांचे मानधन दुप्पट करण्याचा निर्णय घेतला होता.आज,शनिवार १२ ऑक्टोंबर रोजी या निर्णयाची अंमलबजावणी करण्यात आली आहे.

राज्यातील ५५ हजार होमगार्ड बंधूंना सरकारने

दसऱ्याची मोठी भेट दिली आहे.होमगार्ड यांचे मानधन जवळजवळ दुप्पट करण्यासंबंधीचा शासन निर्णय आज जारी करण्यात आला आहे.राज्याचे गृहमंत्री देवेंद्र फडणवीस यांनी यासंदर्भातील घोषणा केली आहे.हे मानधन देशात सर्वाधिक असल्याचेही फडणवीसांनी आपल्या एक्स (पूर्वीचे ट्विटर) पोस्टमध्ये म्हटले आहे.याशिवाय विविध भत्त्यांची रक्कम सुद्धा दुप्पट करण्यात आली आहे.