समाजमन सुन्न करणारी घटना..! चिमुकल्याची हत्या करून स्वतःही घेतला गळफास..

बीड :-जिल्ह्याच्या गेवराई तालुक्यात समाजमन सुन्न करणारी घटना आज,शुक्रवार ३ ऑक्टोंबर रोजी पहाटेच्या सुमारास घडली असून पत्नी झोपेत असतांनाच पतीने अवघ्या चार महिन्याच्या निरागस चिमुकल्यास पाण्याच्या टाकीत टाकून हत्या केली.तर काही वेळाने त्याने घराच्या बाहेरील आड्याला गळफास घेऊन आत्महत्या केल्याने परिसरात एकच खळबळ माजली. अमोल हौसराव सोनवणे वय ३० वर्षे रा.तलवाडा, ता.गेवराई,जि.बीड असे गळफास घेऊन आत्महत्या करणाऱ्याचे नाव आहे.विशेष म्हणजे,चार दिवसांपूर्वी कौटुंबिक वादात अमोल व त्याची पत्नी पायल सोनवणे दोघांनीही विष प्राशन केले होते.काही दिवस उपचार घेऊन काल गुरुवारी तलवाडा गावी परतले होते. अश्यातच दोघांमध्ये रात्रीच भांडण झाले असावे,त्यामुळे आज शुक्रवारी पत्नी झोपेत असतांनाच पहाटेच्या सुमारास अमोल याने चार वर्षीय मुलाला पाण्याच्या टाकीत टाकून हत्या केली व नंतर स्वतःही गळफास घेतला.घटनेची माहीती मिळताच तलवाडा पोलीस ठाण्याचे सहाय्यक पोलीस निरीक्षक मनोज निलंगेकर, फौजदार कैलास अन्नलदास,बीट अंमलदार मोहसीन शेख,जमादार नारायण काकडे घटनास्थळी दाखल होऊन घटनेचा पंचनामा केला.दोघांचेही मृतदेह तलवाड्यातील प्राथमिक आरोग्य केंद्रात उत्तरीय तपासणीस पाठविण्यात आले.घटनेने परिसरात हळहळ व्यक्त केली जात आहे.