सततच्या भांडणावरून मुलाने जन्मदातीचा केला खून..

भंडारा :-सततच्या भांडणावरून मुलाने आपल्याच आईचा खून केल्याची घटना उघडकीस आली आहे. भंडारा जिल्ह्याच्या लाखांदूर तालुक्यातील दांडेगाव जंगलात एका अज्ञात महिलेचा मृतदेह काल,गुरुवारी सकाळच्या सुमारास आढळून आला होता. मात्र, मृतदेहाची ओळख पटलेली नसल्याने पोलिसांपुढे मोठे आवाहन होते.पोलिसांनी तपासाची चक्रे गतीने फिरवताच महिलेची ओळख पटली.तपासाअंती महिलेचा खून झाल्याचे निष्पन्न झाले.चित्रलेखा उर्फ रेखा अरूण वासनिक वय ४५ वर्षे,रा.दिघोरी मोठी,असे मृत महिलेचे नाव असून प्राथमिक तपासात महिलेचा खून करुन मृतदेह पोत्यात भरुन जंगलात फेकून दिल्याचे समोर आले.त्यानुसार पोलिसांनी तपास सुरू केला असता, तिच्याच मुलाने खून करून पुरावा नष्ट करण्याच्या उद्देशाने तिचा मृतदेह प्लास्टीक पोत्यात भरुन १५ किलोमीटर लांब दांडेगावच्या जंगलात फेकून दिल्याचे निष्पन्न झाले.चित्रलेखासोबत मुलगा सुमित नेहमीच भांडण करीत होता.गेल्या चार महिन्यांपासून सतत सुरू असलेल्या भांडणावरुन आई चित्रलेखाचा त्याने खून  केला.पोलिसांनी आरोपी सुमित अरूण वासनिक वय २५ वर्षे,रा.मोठी दिघोरी,याच्या विरुद्ध खुनाचा गुन्हा नोंदविला असून पुढील तपास उपविभागीय पोलिस अधिकारी मनोज सिडाम करीत आहेत.