उद्रेक न्युज वृत्त
नवी दिल्ली :- सध्या स्थितीत सर्वसामान्य नागरिकांना तसेच मोठ-मोठ्या धन दांडग्या व्यक्तींना सिलेब्रिटिंच्या माध्यमातून विविध प्रकारच्या जाहिराती करून भुरळ घातली जाते.त्यामुळे अनेकजण आमिषाला बळी पडून सर्वकाही गमावून बसण्याचा प्रकार उघडकीस येऊ लागला असल्याने केंद्र सरकारने बेकायदेशीर बेटिंग आणि लोन ॲपवर कारवाई करण्यास प्रारंभ केला आहे.सेलिब्रिटिंनी सोशल मीडियासह टीव्ही चॅनलवर बेटिंग तसेच कर्ज देणाऱ्या ॲप्सची जाहिरात करू नये; अशा सूचना केंद्र सरकारकडून देण्यात आल्या आहे.केंद्रीय इलेक्ट्रॉनिक्स आणि माहिती तंत्रज्ञान राज्यमंत्री राजीव चंद्रशेखर यांनी काल,बुधवारी ही माहिती दिली. केंद्राच्या या सूचनेवरून स्पष्ट झाले आहे की,सोशल मीडिया सेलिब्रिटींना यापुढे बेकायदेशीर बेटिंग आणि लोन ॲप्सची जाहिरात करता येणार नाही.यापुढे त्यांना सरकारने तयार केलेल्या नियमांचेच पालन करावे लागणार आहे.
