उद्रेक न्युज वृत्त
कोंढाळा(देसाईगंज) :- देसाईगंज तालुक्याच्या कोंढाळा गावामध्ये काल,बुधवार दिनांक- २७ डिसेंबर ला सायंकाळी ४.३० वाजेच्या सुमारास अयोध्या वरून प्रभू श्रीराम यांच्या पुजित मंगल अक्षता कलशचे आगमन झाले.त्यानुसार गावामध्ये पुजित मंगल कलश शोभा यात्रेचे आयोजन श्री राम जन्मभूमी तीर्थक्षेत्र अयोध्या पुजित अक्षता कलश समिती कोंढाळाच्या वतीने करण्यात आले होते.
हिंदू-सनातन समाजाच्या गौरवान्वित ऐतिहासिक दिनाला देश भरात गांवो-गांवी तसेच घरो-घरी दिवाळी सारखा आनंदोत्सव साजरा करण्यात येणार असून प्रभू श्रीराम यांच्या पुजित मंगल अक्षता दिनांक -२२ जानेवारी २०२४ रोजी घरोघरी वाटप करण्यात येणार आहेत.पुजित मंगल कलश शोभा यात्रा सर्वप्रथम बस स्थानक परिसरापासून ते गावातील हनुमान मंदिर- इंदिरा नगर,नवनगर टोली समाज हनुमान मंदिर-दुर्गा मंदिर,जुना देऊळ हनुमान मंदिर,नवीन देऊळ हनुमान मंदिर,आझाद चौक,माराई माता मंदिर या ठिकाणी काढून शेवटी ‘पुजित मंगल अक्षता कलश’ ची स्थापना दत्त मंदिर कोंढाळा येथे करण्यात आली. पुजित मंगल कलश शोभा यात्रेमध्ये गावातील आबालवृद्ध,पुरुष-महिला मंडळी,युवक-युवती तसेच भाविक-भक्त गण मोठ्या संख्येने सहभागी होऊन प्रभू श्रीराम नामाचा जयघोष करीत संपूर्ण परिसर ‘जय श्रीराम’ च्या गजराने गुंजित होता.
