फोनमधील मॅसेज डिलीट करणे किंवा कॉल हिस्ट्री हटविणे अपराध नाही-सुप्रीम कोर्ट

नवी दिल्ली :-मोबाइल फोन ही व्यक्तीची खासगी संपत्ती असते,हे न्यायालयाने मान्य केले आहे. गोपनीयता किंवा तांत्रिक कारणांमुळे फोनमधील मॅसेज डिलीट करणे किंवा कॉल हिस्ट्री हटविणे हा अपराध नाही,असे निरीक्षण सुप्रीम कोर्टाने नोंदविले आहे.त्यामुळे फोनमधील डेटा डिलिट करावा की नाही; याबाबत संभ्रम दूर होणार आहे.न्यायाधीश बी.आर.गवई आणि के.व्ही.विश्वनाथन यांच्या पीठाने स्पष्ट केले की,मोबाइलमधील डेटा हटविणे ही सामान्य बाब आहे.याला गुन्हेगारी कृत्य वा पुराव्यांशी छेडछाड म्हणता येणार नाही.भारतात मोबाइलच्या वापरावर देखरेख किंवा नियंत्रण ठेवणारा कोणताही कायदा नाही; परंतु या मॅसेज मधून कुणाला धमकावून कॉलसाठी मोबाइलचा वापर केला जात असेल तर हा गुन्हा ठरतो.