भरधाव कारने दोन जणांसह सायकलस्वाराला दिली धडक… – तीघेजण गंभीर जखमी…

गोंदिया :-रस्त्याच्या कडेला बसलेल्या दोन जणांसह एका सायकलस्वाराला भरधाव कारने धडक दिल्याची घटना गोंदिया पॉलिटेक्निक समोर आज,सोमवार २ सप्टेंबर रोजी सकाळच्या सुमारास घडली. अपघातामध्ये तीन युवक गंभीर जखमी झाले आहेत.

खोमेश उरकुडे वय.२४ वर्षे रा.कोसेटोला,गोरेगाव, हेमराज राऊत वय ५४ वर्षे रा.कारंजा आणि कादीर शेख वय ३८ वर्षे रा.फुलचुर अशी जखमींची नावे आहेत.

स्थानिक पॉलिटेक्निक कॉलेज परिसरातच ट्रकचे वाहनतळ आहे.त्यामुळे परिसरात नेहमीच ट्रक चालक रस्त्याच्या कडेवरील चायटपरी आदी ठिकाणी बसून असतात.दरम्यान,घटनेच्या वेळी सकाळी गोरेगावकडून गोंदिया कडे येत असलेल्या भरधाव कारने पॉलिटेक्निक कॉलेज पुढील रस्त्याच्या कडेवरील ओट्यावर बसून असलेल्या दोन ट्रक चालकासह त्या ठिकाणाहून जात असलेल्या सायकल स्वारला धडक दिली.धडक दिल्यानंतर कार अनियंत्रित होऊन रस्त्याच्या शेजारी उलटली ज्यात कार चालकही जखमी झाला.या घटनेचा व्हिडीओ परिसरातील सीसीटीव्हीत कॅमेऱ्यात कैद झाला असून घटनेची नोंद पोलिसात झाली नसली तरी याचा व्हिडीओ सोशल मीडियावर चांगलाच वायरल झाला आहे.सर्व जखमींवर गोंदियाच्या खाजगी रुग्णालयात उपचार सुरू आहे.