पतीला व्हॉट्सॲप कॉल करून ‘मी चालली’ असे म्हणत केले पलायन..!

नागपूर :-सध्या स्थितीत विवाहासाठी मुली भेटणे कठीण झाले आहे.अनेक तरुण ‘बाबा लगीन’ म्हणून एका रांगेत उभे होऊन माझे लगीन कई होईल,अशी आशा बाळगून आहेत.अश्यातच आता ज्यांचे विवाह झालेत त्यांना बायको टिकवणे अवघड होऊ लागले आहे.त्यामुळे ‘इकडे आड अन् तिकडे विहीर’ अशी अनेकांची अवस्था होऊ लागली आहे.त्यातच पती परमेश्वर असूनही अनेकजण पलायन करतांना दिसून येतात.अश्याच प्रकारे एका चार वर्षाच्या मुलीची आई नागपूरच्या रेल्वे स्थानकाहून गेली ती परतलीच नाही.नागपूरच्या हुडकेश्वर ठाण्यांतर्गत वास्तव्यास असणारे कुटूंब मिळेल ते काम करून गुजारा करतात.३१ वर्षीय महिला,तिचा पती व एक चार वर्षाची मुलगी असा छोटा परिवार आहे.पती वेल्डिंगचे काम करतो.आर्थिक स्थिती बेताची असल्याने त्यांच्यात धुसफूस व्हायची. अश्यातच ९ जून रोजी महिलेने तिच्या मुलीला खाऊ घातले आणि दुपारी दुचाकीने निघाली.रेल्वे स्थानकाच्या पार्किंगमध्ये दुचाकी ठेवली.स्थानकाच्या आत जात असतांना तिने पतीला व्हॉट्सॲप कॉल केला. ‘मी चालली,रेल्वे स्थानकाच्या पार्किंगमध्ये दुचाकी ठेवली आहे; असे सांगून तिने फोन कट केला.पती धावपळ करीत घरी पोहोचला.मुलीची विचारपूस केली.आई घरी परतलीच नाही,असे सांगताच त्याने थेट रेल्वे स्थानक गाठले.पार्किंगमध्ये पत्नीची दुचाकी दिसली. नंतर त्याने पत्नीचा शोध घेतला.मात्र,रेणुका कुठेच सापडली नाही.घाबरलेला पती लोहमार्ग ठाण्यात पोहोचला. लोहमार्ग पोलिस निरीक्षक गौरव गावंडे यांना घटनेची माहिती दिली.त्यांनी लगेच तक्रार नोंदविण्याचे निर्देश दिले.प्रकरणाचा तपास पोलिस हवालदार ऋषिकांत राखुंडे यांच्याकडे दिला.राखुंडे यांनी त्वरित सीसीटीव्ही फुटेज तपासले असता,महिला रेल्वेस्थानकाच्या आत जातांना  दिसली.नंतर फलाट क्रमांक एकवर दिल्लीकडे जाणाऱ्या तामिळनाडू एक्स्प्रेसमध्ये ती बसतांना सीसीटीव्ही फुटेजमध्ये दिसून आली.ती दिल्लीमार्गे निघाल्याचे सीसीटीव्ही फुटेजवरून स्पष्ट झाले असून लोहमार्ग पोलिस मोबाईल लोकेशन मिळवून तिचा शोध घेण्याचा प्रयत्न करीत आहेत.चार वर्षाच्या पोटच्या पोरीला सोडून व रेल्वे स्थानकाच्या पार्किंगमध्ये दुचाकी ठेवलेली आहे; असे पतीला सांगणारी महिला कुणातरी सोबत पळून गेल्याची शंका पोलिसांनी व्यक्त केली आहे व त्यादिशेने तपास सुरू केला आहे.