ओल्या पार्टीची रंगत रंगताच कार्यकर्ते लागले डोलायला.. – दोघे नशेत पडले विहीरीत; एकजण बचावला तर ग्रामपंचायत सदस्याचा मृत्यू झाला..

चंद्रपूर :-भारतीय काँग्रेस पार्टीच्या खासदारांचे खंदे समर्थक म्हणून ओळखल्या जाणाऱ्या पी.एच.एम. मेटलचे मालक प्रमोद मगरे यांच्या फत्तापूर येथील गिट्टी खदानीवर पाचशे ते सहाशे पदाधिकारी, नागरिकांसाठी ओल्या पार्टीचे आयोजन करण्यात आले होते.त्यावेळी विहिरीत पडून एका ग्रामपंचायत सदस्याचा मृत्यू झाल्याची घटना रविवारी १० नोव्हेंबरच्या रात्री फत्तापूर येथील गीट्टी खदानीत घडली.बालाजी उर्फ गजानन काळे रा.झालापांझुर्णी, ता.वरोरा असे मृतकाचे नाव आहे.

निवडणुकीच्या काळामध्ये पक्षाचे पदाधिकारी खंदे समर्थक,मतदारांना लुभावण्यासाठी फार्म हाऊस,गुप्त ठिकाणावर ओल्या पार्टीचे मटणाचे आयोजन करतात.खासदर प्रतिभा धानोरकर यांचे बंधू प्रवीण काकडे हे काँग्रेसकडून आमदारकीसाठी उभे आहेत.४ नोव्हेंबरपासून वरोरा-भद्रावती विधानसभेतील उमेदवार प्रचार करण्यासाठी सक्रिय झाले आहेत.या निवडणुकीत उमेदवार निवडून यावा याकरिता उमेदवाराचे खंदे समर्थक म्हणून ओळखले जाणारे प्रमोद मगरे यांनी रविवारी फत्तापूर येथील खदानीमध्ये मतदार कार्यकर्त्यांसाठी ओल्या पार्टीचे आयोजन केले होते.या पार्टीमध्ये असंख्य नागरिक कार्यकर्त्यांचा सहभाग होता.ओल्या पार्टीची रंगत रंगताच कार्यकतें डोलायला लागले.या पार्टीत सहभाग घेतलेले पांझुर्णी येथील ग्रामपंचायत सदस्य गजानन काळे महल्ले, अरुण महल्ले यांना मद्याच्या धुंदीत हिरव्या मॅटवर दारूचा ग्लास घेऊन बसायला गेले.नशेत त्यांना या मॅटखाली असलेल्या विहिरीचा अंदाज लागला नाही आणि विहीत पडले.मात्र,अरुण मह ल्ले यांना पोहता येत असल्याने त्यांनी आपला जीव कसातरी वाचविला तर गजानन काळे हे विहिरीतील गाळात फसल्याने त्यातच त्यांचा अंत झाला.