आरोग्य उपकेंद्रात कार्यरत आरोग्य सेविकेचा अपघाती मृत्यू…

चंद्रपूर :-मूल तालुक्यातील जुनासुर्ला येथील आरोग्य

उपकेंद्रात कार्यरत असलेल्या आरोग्य सेविकेचा

चांदापूर फाट्यावर अपघाती मृत्यू झाला.मंदाताई तिरुपती कलपल्लीवार वय ४० वर्षे असे मृत्यू झालेल्या आरोग्य सेविकेचे नाव आहे.

सदरची घटना काल,बुधवारी १३ नोव्हेंबरच्या दुपारी तीन वाजताच्या सुमारास घडली.मंदाताई कलपल्लीवार या मूल येथील रहिवासी असून त्या तालुक्यातील जुनासुर्ला येथील उपकेंद्रात कंत्राटी आरोग्य सेविका म्हणून अनेक वर्षांपासून कार्यरत होत्या.काल बुधवारी दुपारच्या सुमारास जुनासुर्ला येथून आपले कर्तव्य बजावून एमएच ३४ एक्स ९३७० या क्रमांकाच्या दुचाकीने त्या मूलकडे जात होत्या. दरम्यान,मूल कडून गोंडपिपरीकडे जात असलेल्या ट्रक क्रमांक एमच एच ४० सीटी ५३२१ क्रमांकाच्या ट्रकमध्ये आल्याने त्यांचा अपघात झाला.मूल पोलिसांनी घटनास्थळी पोहोचून अज्ञात ट्रक चालकावर गुन्हा दाखल केला असून पुढील तपास सुरु आहे.