‘आफ्रिकन जायंट’ गोंगलगाय जगभरातील अनेक देशात धोकादायकच… – ब्रम्हपुरीसह देसाईगंज शहरातही येतेय आढळून…

चंद्रपूर :-ब्रम्हपुरीच्या शेषनगर परिसरात ‘आफ्रिकन जायंट’ गोंगलगाय आढळली आहे.या गोगलगायीच्या पाठीवर तिच्या वजनापेक्षा मोठ्या आकाराचा शंख तयार झाला आहे. यामुळे तिला जास्त हालचाल करता येत नाही. येथील वन्यजीव अभ्यासक प्रा.ललित उरकुडे यांना ही गोंगलगाय आढळून आली.

अर्थ कंजरवेशन संस्थेचे सदस्य ईशान वठे,चेतन राखडे,भूपेश राखडे,आर्यन राखडे,गणेश बुराडे यांच्या मदतीने परिसराचा शोध घेण्यात आला.या शोधमोहिमेतून गोंगलगायींना निष्ट करण्यात आले.या गोंगलगाई जगभरातील अनेक देशात धोकादायक घोषित करण्यात आले आहे.या प्रजातीने केरळ राज्यातील अनेक जिल्ह्यात थैमान घातले आहे.शेती व फळबागा या गोंगलगाई फस्त करतात.त्यामुळे यांना आटोक्यात आणण्यासाठी प्रशासनातर्फे प्रयत्न केले जात आहे.ही प्रजाती विदर्भात नागपूर,नवेगाव बांध व देसाईगंज(वडसा) येथे आढळून येत आहेत.

डॉ.गोपाल पालीवाल,सदस्य राज्य जैवविविधता मंडळ👇