पुढील आठवड्यापासून पावसाचे होणार पुनरागमन.. – अनेक जिल्ह्यांमध्ये मेघगर्जनेसह पावसाची शक्यता..

दरम्यान,पुढील ३६ ते ४८ तासात पावसाचे पुनरागमन होणार असल्याची माहिती हवामान अभ्यासक ऋषिकेश आग्रे यांनीही एबीपी या वृत्तवाहिनीला दिली होती.पुढील आठवड्यात तापमानात घट होईल,असा अंदाजही त्यांनी वर्तवला आहे.पुढील आठवड्यात पावसासाठी पोषक वातावरण असल्याने वारे जोरदार वाहतील,त्यामुळे झाडे कोसळणे,वीज कोसळणे, पाणी साचण्याची घटना घडतील,यामुळे नागरिकांनी काळजी घ्यावी; अशी सुचना हवामान विभागाने दिली आहे.

हवामान विभागाने वर्तवलेल्या अंदाजानुसार, राज्याच्या बहुतांश भागात पावसाचा यलो अलर्ट जारी करण्यात आला.राज्यातील कोकण,मध्य महाराष्ट्र, मराठवाडा आणि संपूर्ण विदर्भात पावसाचा यलो अलर्ट जारी करण्यात आला.दहा दिवसांच्या विश्रांतीनंतर पुन्हा राज्यात पावसासाठी अनुकूल स्थिती तयार झाली आहे.बंगालच्या उपसागरात कमी दाबाची तीव्रता कमी झाली असून राज्यात सर्व भागात ताशी ३० ते ४० किमी वेगाने वादळी वारे वाहणार आहेत.मुंबईसह ठाण्यात देखील पुढील आठवड्यात हलक्या पावसाला सुरूवात होणार असल्याचा अंदाज वर्तवण्यात आला आहे.