आज रात्री दिसणार रक्तासारखा लाल चंद्र; अंधश्रद्धा न बाळगण्याचे आवाहन..

चंद्रपूर :-आज चंद्राला ग्रहण लागणार असून भारतात सर्वत्र खग्रास चंद्रग्रहण दिसणार आहे.आज,रविवार ७ सप्टेंबर रोजी छायाकल्प चंद्रग्रहणाची सुरुवात रात्री ९ वाजता होईल.खंडग्रास ग्रहणाची सुरुवात ९ वाजून ५७ मिनिटांनी तर खग्रास ग्रहण रात्री ११ वाजता सुरू होईल आणि ते रात्री १२ वाजू २२ मिनिटांपर्यंत दिसेल.या दरम्यान चंद्र हा रक्तासारखा लाल रंगाचा दिसणार आहे. रक्तासारख्या दिसणाऱ्या चंद्राला खगोलीय भाषेत ‘ब्लड मून’ किंवा ‘रेड मून’ असे म्हटले जाते.खग्रास स्थिती ही २ तास ७ मिनिटांची असेल.आकाशात ढगाळ वातावरण नसेल,तर सुंदर असे ग्रहण पाहता येईल.याबाबत कुठल्याही प्रकारची अंधश्रद्धा न बाळगता ग्रहणाचा खगोलीय आणि वैज्ञानिक दृष्टीने निरीक्षण करावा,असे आवाहन खगोल अभ्यासक तथा स्काय वॉच ग्रुपचे अध्यक्ष प्रा.सुरेश चोपणे यांनी केले आहे.